തിരുവനന്തപുരം: സംസ്ഥാനത്ത് കൊവിഡ് വാക്സിൻ വിതരണം താളം തെറ്റിയിരിക്കുന്ന സാഹചര്യത്തിൽ ഡൽഹിയിൽ നിന്നും ആശ്വാസ വാർത്ത. ഇന്ന് 4 ലക്ഷം ഡോസ് കൊവിഡ് വാക്സിൻ കൂടി കേരളത്തിന് ലഭ്യമാക്കാൻ തീരുമാനമായി. പല ജില്ലകളിലും വളരെ കുറച്ച് വാക്സിൻ മാത്രമാണ് നിലവിൽ ലഭ്യമാക്കിയിട്ടുള്ളത്.
തിരുവനന്തപുരം, കൊച്ചി, കോഴിക്കോട് ഇങ്ങനെ മൂന്ന് മേഖലക്കും കൂടിയാണ് ഇന്ന് വാക്സിൻ ലഭ്യമാക്കുന്നത്. ആദ്യ ഡോസ് വാക്സിൻ രജിസ്ട്രേഷൻ പോലും ഇപ്പോഴും നടപ്പിലാകാത്ത സാഹചര്യമാണ് നിലവിലുള്ളത്. വളരെ കുറച്ച് സമയം മാത്രമാണ് കൊവിൻ മുഖേനയുള്ള രജിസട്രേഷൻ നടക്കുന്നത്.
കൊവിൻ പ്ലാറ്റ്ഫോമിൽ രജിസ്ട്രേഷന് ശ്രമിക്കുമ്പോൾ പലപ്പോഴും ‘നോ അപ്പോയ്മെന്റ്സ് അവൈലബിൾ’ എന്നാണ് കാണിക്കുന്നത്. കഴിഞ്ഞ കുറേ ദിവസമായി ഇതാണ് അവസ്ഥ. ഈ മാസവും അടുത്ത മാസവും ഒന്നും വാക്സിൻ ലഭിക്കില്ല എന്ന നിലയിലാണ് അറിയിപ്പ് വരുന്നത്.
Discussion about this post