മാലി: മാലിയില് ഒറ്റപ്രസവത്തില് ഒൻപത് കുഞ്ഞുങ്ങള്ക്ക് ജന്മം നല്കി ഹലീമ സിസെ എന്ന 25കാരി. ഒറ്റ പ്രസവത്തില് അഞ്ചു പെണ്കുഞ്ഞുങ്ങള്ക്കും നാലു ആണ്കുഞ്ഞുങ്ങൾക്കുമാണ് ജന്മം നല്കിയത്.
ഗര്ഭിണിയായിരിക്കെ ഹലീമയുടെ വയറ്റില് ഏഴുകുഞ്ഞുങ്ങളുണ്ടെന്ന് ഡോക്ടര്മാര് കണ്ടെത്തിയിരുന്നു. ഏഴു കുഞ്ഞുങ്ങള് തന്നെ അപൂര്വമായതിനാല് യുവതിയെ ആരോഗ്യ സംവിധാനങ്ങളുള്ള മൊറോകൊയിലെത്തിച്ച് പ്രത്യേക പരിചരണം നല്കുകയായിരുന്നു.
എന്നാല് മൊറോകോയില് വച്ച് സിസേറിയനിലൂടെ ഒമ്പതു കുഞ്ഞുങ്ങളെയാണ് ഡോക്ടര്മാര് പുറത്തെടുത്തത്. കുഞ്ഞുങ്ങളും അമ്മയും ആരോഗ്യത്തോടെയിരിക്കുന്നതായി മാലി ആരോഗ്യമന്ത്രി അറിയിച്ചു. ഏതാനും ആഴ്ചകള്ക്ക് ശേഷം മാത്രമേ യുവതിയെയും കുഞ്ഞുങ്ങളെയും സ്വദേശത്ത് എത്തിക്കൂവെന്നും മന്ത്രി പറഞ്ഞതായാണ് റിപ്പോർട്ട്
Discussion about this post