വാരാണസി: കൊവിഡ് വ്യാപനം രൂക്ഷമാകുന്ന സാഹചര്യത്തിൽ ബനാറസ് ഹിന്ദു സർവകലാശാല കൊവിഡ് ആശുപത്രിയാക്കി മാറ്റുന്നു. സർവകലാശാലയുടെ ഒരു ഭാഗമാണ് ആശുപത്രിയാക്കുന്നത്. ഇവിടേക്കായി 750 താത്കാലിക കിടക്കകൾ നിർമ്മിച്ചു നൽകുമെന്ന് ഡി ആർ ഡി ഒ അറിയിച്ചു.
ആശുപത്രി സജ്ജീകരണത്തിന്റെ 90 ശതമാനം പണികൾ പൂർത്തിയായതായും ബാക്കി ജോലികൾ രണ്ട് ദിവസത്തിനുള്ളിൽ പൂർത്തീകരിക്കുമെന്നും അധികൃതർ അറിയിച്ചു.
ജമ്മു കശ്മീരിലെ ബുധ്ഗാം ജില്ലയിലും താത്കാലിക ആശുപത്രിക്കായി ഡി ആർ ഡി ഒ കിടക്കകൾ നിർമ്മിച്ച് നൽകിയിരുന്നു. 500 ഐസിയു കിടക്കകളാണ് ഇവിടെ നിർമ്മിച്ചത്. ഓക്സിജൻ സിലിണ്ടറുകളുടെയും കിടക്കകളുടെയും നിർമ്മാണം യുദ്ധകാലാടിസ്ഥാനത്തിൽ പുരോഗമിക്കുകയാണെന്നും ഡി ആർ ഡി ഒ വ്യക്തമാക്കി.
Discussion about this post