കോവിഡ് സന്നദ്ധ പ്രവർത്തനത്തിന്റെ വളണ്ടിയർ കാർഡ് ഉപയോഗിച്ച് കഞ്ചാവ് കടത്ത് ; ഡി‌വൈ‌എഫ്‌ഐ പ്രവർത്തകൻ അറസ്റ്റിൽ

കണ്ണൂർ : കോവിഡ് സന്നദ്ധ പ്രവർത്തനത്തിന്റെ മറവിൽ കഞ്ചാവ് കടത്തിയ ഡി.വൈ.എഫ്.ഐ പ്രവർത്തകൻ അറസ്റ്റിൽ. ചൊക്ലി കാഞ്ഞിരത്തിൻ കീഴിൽ  അഷ്മീറിനെയാണ് അറസ്റ്റ് ചെയ്തത്. എട്ടു കിലോ കഞ്ചാവാണ് ഇയാളുടെ കയ്യിൽ നിന്ന് പിടികൂടിയത്.

ന്യൂ മാഹി പഞ്ചായത്തിന്റെ കോവിഡ് വളണ്ടിയർ കാർഡ് ഉപയോഗിച്ചാണ് ഇയാൾ ലോക്ക് ഡൗണിൽ കഞ്ചാവ് കടത്തിയിരുന്നത്.കഞ്ചാവ് കടത്തിയിരുന്ന KL 58 AC 0476 നമ്പർ കാറിൽ നിന്നും നിരവധി സിപിഎം ഡി‌വൈ‌എഫ്‌ഐ കൊടികളും ഉപയോഗിച്ചിരുന്ന വളണ്ടിയർ കാർഡും എക്സൈസ് സംഘം കണ്ടെടുത്തു.  വളണ്ടിയർ കാർഡിന്റെ മറവിൽ കഞ്ചാവ് കടത്തുന്നു എന്ന രഹസ്യ വിവരം കിട്ടിയതിനെ തുടർന്ന് എക്സൈസ് സംഘം നടത്തിയ പരിശോധനയിലാണ് അഷ്മീർ അറസ്റ്റിലായത്.

നേരത്തെ തിരുവനന്തപുരം പാറശ്ശാല കോവിഡ്  കേന്ദ്രത്തിൽ യുവതി കുളിക്കുന്നത് ഒളിഞ്ഞു നോക്കി ദൃശ്യങ്ങൾ മൊബൈലിൽ പകർത്തിയ ഡി‌വൈ‌എഫ്‌ഐ നേതാവ് അറസ്റ്റിലായ വാർത്തയും പുറത്തുവന്നിരുന്നു.