ഡൽഹി: കേരളമടക്കമുള്ള സംസ്ഥാനങ്ങളിൽ അതിതീവ്ര മഴയ്ക്ക് കാരണമായി മുന്നേറുന്ന ടോട്ടെ ചുഴലിക്കാറ്റിന്റെ പശ്ചാത്തലത്തിൽ അടിയന്തര യോഗം വിളിച്ച് പ്രധാനമന്ത്രി നരേന്ദ്ര മോദി. വിവിധ സർക്കാർ വകുപ്പുകൾ, ദേശീയ ദുരന്ത നിവാരണ അതോറിറ്റി തുടങ്ങിയവയിലെ ഉദ്യോഗസ്ഥർ യോഗത്തിൽ പങ്കെടുക്കും.
കേരളത്തിൽ അതിതീവ്ര മഴയ്ക്ക് കാരണമായി മുന്നേറുന്ന ടോട്ടെ ചുഴലിക്കാറ്റ് മെയ് 17ഓടെ അതിശക്തമായ ചുഴലിക്കാറ്റായി ഗുജറത്ത് തീരം കടക്കുമെന്ന് ദേശീയ കാലാവസ്ഥാ വകുപ്പ് മുന്നറിയിപ്പ് നൽകുന്നു. അതിതീവ്ര ന്യൂനമർദ്ദത്തിന് കാരണമായ ചുഴലിക്കാറ്റിന് ശനിയാഴ്ച രാത്രിയോടെ രൂക്ഷത വർദ്ധിക്കുമെന്നാണ് കണക്ക് കൂട്ടൽ.
ചുഴലിക്കാറ്റ് രൂക്ഷമാകാനിടയുള്ള സാഹചര്യത്തിൽ ദേശീയ ദുരന്ത പ്രതിരോധ സേനയുടെ 53 സംഘങ്ങൾക്ക് തയ്യാറായിരിക്കാൻ നിർദ്ദേശം നൽകിയിരിക്കുകയാണ്.
Discussion about this post