സത്യപ്രതിജ്ഞാ ചടങ്ങില് 500 പേരെ പങ്കെടുപ്പിക്കാനുള്ള സർക്കാർ തീരുമാനത്തിന് ഹൈക്കോടതിയുടെ വിമർശനം. ചടങ്ങിൽ പങ്കെടുക്കുന്നവരുടെ എണ്ണം പരമാവധി കുറയ്ക്കുന്നത് പരിഗണിക്കണമെന്ന് ഹൈക്കോടതി നിർദ്ദേശിച്ചു. എം.എല്.എമാരുടെ ഭാര്യമാര് അടക്കമുള്ള ബന്ധുക്കളെ ചടങ്ങില് പങ്കെടുക്കുന്നതില് നിന്ന് ഒഴിവാക്കാന് ശ്രമിക്കണം. കോവിഡ് ചട്ടങ്ങള് കര്ശനമായി പാലിക്കണമെന്നും ഹൈക്കോടതി നിര്ദ്ദേശം നൽകി.
വിവിധ രാഷ്ട്രീയ കക്ഷികളുടെ നേതാക്കള് അടക്കമുള്ള പ്രത്യേക ക്ഷണിതാക്കള് പങ്കെടുക്കേണ്ടത് ഉണ്ടോ എന്ന കാര്യത്തില് ചീഫ് സെക്രട്ടറി തീരുമാനമെടുക്കണമെന്നും കോടതി നിര്ദ്ദേശിച്ചു. സത്യപ്രതിജ്ഞ ചടങ്ങില് ആളുകളുടെ എണ്ണം കുറക്കണമെന്നാവശ്യപ്പെട്ടുള്ള ഹർജിയിലാണ് കോടതിയുടെ ഇടപെടല്.
കോവിഡ് വ്യാപനം രൂക്ഷമായിരിക്കെ എല്ലാ എം.എല്.എമാരുടെ കുടുംബങ്ങളെയും ചടങ്ങിന് ക്ഷണിച്ചതിന്റെ ഔചിത്യം മനസിലാകുന്നില്ലെന്ന് കോടതി ചൂണ്ടിക്കാട്ടി. പ്രത്യേക ക്ഷണിതാക്കളുടെ കാര്യത്തില് സര്ക്കാര് കൃത്യമായ വിവരം നല്കിയില്ലെന്നും വിമര്ശനം.
Discussion about this post