ഇരുപത് വർഷക്കാലം മോദിയുടെ വിശ്വസ്തനായി കൂടെനിന്ന മുതിർന്ന ഐഎഎസ് ഉദ്യോഗസ്ഥൻ: എ.കെ ശർമ്മ യുപി മന്തിസഭയിലെ ഉന്നത പദവിയിലേക്കോ?

ലഖ്‌നൗ; ഉത്തർപ്രദേശ്  രാഷ്ട്രീയത്തിൽ വലിയ മാറ്റങ്ങൾക്ക് സാധ്യത.  മുതിർന്ന ഐഎഎസ് ഉദ്യോഗസ്ഥൻ   അരവിന്ദ് കുമാർ ശർമയെ യുപി ഉപമുഖ്യമന്ത്രിയാകുമെന്ന് .യോഗിയുടെ മന്ത്രിസഭയും വിപുലീകരിക്കുമെന്ന് റിപ്പോർട്ടുകളുണ്ട്.. അഞ്ച് പുതിയ മുഖങ്ങൾ മന്ത്രിസഭയിൽ ഉൾപ്പെടുത്താമെന്നാണ് റിപ്പോർട്ടുകൾ

എ കെ ശർമയെ ലെജിസ്ലേറ്റീവ് കൗൺസിലിലേക്ക് അയച്ചതുമുതൽ അദ്ദേഹത്തെ ഡെപ്യൂട്ടി മുഖ്യമന്ത്രിയാക്കാമെന്നും സൂചനകളുണ്ടായിരുന്നു .എന്നാൽ ആ സമയത്ത് അത് സംഭവിച്ചില്ലെങ്കിലും ഇപ്പോൾ  സൂചനകൾക്ക് ബലമേറുകയാണ്.

എ.കെ ശർമ്മ   പ്രധാനമന്ത്രിയുമായും മുഖ്യമന്ത്രിയുമായും   കൂടിക്കാഴ്ച നടന്നതിന് പിന്നാലെയാണ് പുതിയ രാഷ്ട്രീയനീക്കങ്ങളുടെ റിപ്പോർട്ടുകൾ  ചൂടുപിടിച്ചത്. ശർമയെ ഡൽഹിയിൽ പോയി പ്രധാനമന്ത്രിയെ നേരിട്ട് കണ്ടു. ലഖ്‌നൗവിലെത്തിയ ശേഷം യുപി മുഖ്യമന്ത്രി യോഗിയെ കണ്ടു. അതിനുശേഷം യുപി ഉപമുഖ്യമന്ത്രി കേശവ് പ്രസാദ് മൗര്യയെ പ്രധാനമന്ത്രി ഡൽഹിയിലേക്ക്   വിളിപ്പിച്ചതായി പറയപ്പെടുന്നു.

ഡൽഹിയിൽ ഒരു ഉന്നതതല യോഗത്തിനുശേഷം  2022 ൽ നടക്കുന്ന തിരഞ്ഞെടുപ്പിൽ പുതിയ മുഖങ്ങളെ  തെരഞ്ഞെടുപ്പ് രംഗത്തേക്ക് നൽകണം എന്നഭിപ്രായവും ഉയർന്നിരുന്നു. അതിൻറെ അടിസ്ഥാനത്തിൽ   സർക്കാരിൽ സംഘടന ചില മാറ്റം നിർദേശിച്ചിട്ടുണ്ടെന്നാണ്   സൂചനകൾ. ഡൽഹിയിൽ രണ്ടു ദിവസം നീണ്ടുനിന്ന പ്രത്യേക യോഗത്തിൽ കേന്ദ്ര മന്ത്രിമാർ, ബിജെപി ഉന്നത നേതാക്കൾ, കേന്ദ്രസർക്കാർ ഉന്നത ഉദ്യോഗസ്ഥർ യുപി ജനറൽ സെക്രട്ടറി സുനിൽ ബൻസൽ എന്നിവർ പങ്കെടുത്തിരുന്നു.

യുപി പഞ്ചായത്ത് തിരഞ്ഞെടുപ്പിനെ  അടിസ്ഥാനമാക്കിയാണ് യോഗം നടന്നത്. സംസ്ഥാനത്തെ മന്ത്രിമാരുടെ പ്രകടനവും യോഗത്തിൽ വിലയിരുത്തി. മന്ത്രിമാരുടെ പ്രകടനവുമായി ബന്ധപ്പെട്ട റിപ്പോർട്ടും മീറ്റിംഗിൽ വിലിയിരുത്തി.തെരഞ്ഞെടുപ്പിന് മുൻപായി  സംസ്ഥാനത്തെ ഉന്നത ഉദ്യോഗസ്ഥർ മുതൽ പ്രാദേശിക തലം വരെ മാറ്റം വന്നേക്കാം എന്ന സൂചനയാണ് പുറത്തുവരുന്നത്.

കൊറോണയുടെ രണ്ടാം തരംഗത്തിൽ യുപിയിലെ പൂർവഞ്ചൽ പ്രദേശത്ത് എ കെ ശർമ്മ സജീവമായി ഇടപെട്ടത് രോഗമുക്തി നിരക്ക് വർദ്ധിക്കാൻ കാരണമായതായി യോഗം വിലയിരുത്തി.  യുപിയിലെ അതേ പ്രദേശത്തു നിന്നാണ് അദ്ദേഹം വരുന്നത്.  രാഷ്ട്രീയത്തിൽ വെറും അഞ്ച് മാസം മാത്രം പ്രായമുള്ള എ കെ ശർമ പൂർവഞ്ചൽ ജില്ലകളിൽ അവലോകന യോഗം ചേർന്നു. നിർദ്ദേശങ്ങൾ. ക്ലാസ് മുറിയിലെ വിദ്യാർത്ഥികൾ അവരുടെ അധ്യാപകനെ  ശ്രദ്ധിക്കുന്നതുപോലെ ജില്ലയിലെ എല്ലാ പ്രധാന ഉദ്യോഗസ്ഥരും അവരുടെ മീറ്റിംഗിൽ പങ്കെടുക്കുകയും അവരുടെ ഡയറിയിൽ അവരുടെ മാർഗ്ഗനിർദ്ദേശങ്ങൾ രേഖപ്പെടുത്തുകയും ചെയ്യുന്നു.പൂർവഞ്ചലിന്റെ ഭാഗമായ കോവിഡ് നിയന്ത്രണത്തിലുള്ള ‘വാരണാസി മോഡലിനെ’ എ.കെ ശർമ്മ പിന്തുടരുകയായിരുന്നു എന്നാണ് റിപ്പോർട്ടുകൾ വ്യക്തമാക്കുന്നത്.  ഇതെല്ലാം ഒരു വശത്ത് നിൽക്കുമ്പോൾ   രാഷ്ട്രീയ ഇടനാഴികളിൽ എ.കെ ശർമ്മ   മന്ത്രിയാകുന്നത് സംബന്ധിച്ച ചർച്ച വീണ്ടും സജീവമാണ്.

ആരാണ് എ കെ ശർമ്മ?

അരവിന്ദ് കുമാർ ശർമ ഉത്തർപ്രദേശ് സ്വദേശിയാണെങ്കിലും ഗുജറാത്ത് കേഡറിലെ ഐ‌എ‌എസ് ആയിരുന്നു. ഏകദേശം ഇരുപത് വർഷക്കാലം, നരേന്ദ്ര മോദിയുടെ വിശ്വസ്തരായ ഉദ്യോഗസ്ഥരിൽ ഒരാളായി അദ്ദേഹം കൂടെനിന്നു. ഗുജറാത്തിൽ നിന്ന് ഡൽഹിയിലേക്ക് അദ്ദേഹം താമസം മാറ്റി.   ഈ വർഷം ജനുവരിയിൽ അദ്ദേഹത്തിന് വിആർ‌എസ് നൽകി യു‌പിയുടെ ലെജിസ്ലേറ്റീവ് കൗൺസിലിലേക്ക് അയച്ചു,