കൊല്ലം: പുനലൂരില് യുവതി വീട്ടില് തീ കൊളുത്തി മരിച്ചു. മഞ്ഞമണ്കാലായില് ലിജി ജോണാണ് ആത്മഹത്യ ചെയ്തത്. 34 വയസായിരുന്നു. ഇന്ന് വൈകീട്ടോടെയാണ് സംഭവം. വീട്ടില് ആരുമില്ലാത്ത സമയത്തായിരുന്നു ലിജി ശരീരത്തില് മണ്ണെണ്ണ ഒഴിച്ച് തീ കൊളുത്തിയത്.
സംഭവ സമയത്ത് കുട്ടികള് ട്യൂഷന് പോയിരിക്കുകയായിരുന്നു. ആത്മഹത്യയുടെ കാരണം വ്യക്തമല്ല. സംഭവത്തില് പോലീസ് അന്വേഷണം ആരംഭിച്ചു.
അതേസമയം കഴിഞ്ഞ 24 മണിക്കൂറിനിടെ റിപ്പോര്ട്ട് ചെയ്യുന്ന മൂന്നാമത്തെ ആത്മഹത്യയാണ് ലിജിയുടേത്. തിരുവനന്തപുരം വെങ്ങാനൂര് സ്വദേശിനി അര്ച്ചന, ആലപ്പുഴ കായംകുളം സ്വദേശിനി സുചിത്ര എന്നിവരാണ് ചൊവ്വാഴ്ച ആത്മഹത്യ ചെയ്തത്. ഇന്നലെ ശാസ്താംകോട്ടയില് സ്ത്രീധന പീഡനത്തെ തുടര്ന്ന് ഭര്തൃവീട്ടില് വിസ്മയ എന്ന യുവതിയും ആത്മഹത്യ ചെയ്തിരുന്നു.
Discussion about this post