ഇന്ത്യയിലെ 65 ശതമാനത്തോളം ജനങ്ങളും 35 വയസിന് താഴെയുള്ളവരാണെന്ന് മോദി പറഞ്ഞു. ഈ യുവശക്തിയിലൂടെ ഇന്ത്യയ്ക്ക് സാധിക്കാനാകാത്തതായി ഒന്നുമില്ല. ഇന്ത്യ മുന്നേറ്റത്തിന്റെ പാതയിലാണ്. നിരവധിയാളുകള് ദാരിദ്ര്യവും മറ്റു പ്രശ്നങ്ങളും നേരിടുമ്പോള് എങ്ങനെയാണ് ഒരു രാജ്യത്തിന് മുന്നേറാനാകുകയെന്ന് സംശയമുന്നയിക്കുന്നവരുണ്ടാകാം. എന്നാല് അത് സംഭവിച്ചുകൊണ്ടിരിക്കുകയാണ്. പണ്ടുകാലങ്ങളില് ഇന്ത്യയുടെ മുഖമുദ്ര ഉപനിഷത്തുകളായിരുന്നു. എന്നാല് ഇന്ന് അത് ഉപഗ്രഹങ്ങളായി മാറിയിരിക്കുന്നു.
ലോകം നേരിടുന്ന രണ്ടു വലിയ വെല്ലുവിളികള് തീവ്രവാദവും ആഗോളതാപനവും ആണെന്ന് അദ്ദേഹം പറഞ്ഞു. തീവ്രവാദത്തെക്കുറിച്ച് താന് ലോക നേതാക്കള്ക്ക് കത്തെഴുതിയിട്ടുണ്ട്. തീവ്രവാദികളും മാനവപക്ഷവാദികളെയും വേര്തിരിച്ചു കാണണം. തുടക്കത്തില് തീവ്രവാദത്തെ ലഘൂകരിച്ചുകണ്ട അമേരിക്ക അതിന്റെ വിപത്ത് മനസിലാക്കി ആവശ്യമായ നടപടികള് സ്വീകരിക്കുന്നുണ്ട്. ഇവിടുത്തെ ജീവനക്കാര്ക്ക് ഇതേക്കുറിച്ച് അവബോധം നല്കുന്നതിനുള്ള ക്ലാസുകളും നല്കുന്നുണ്ട്. അഹിംസ എന്ന സന്ദേശം ലോകത്തിനുനല്കിയ രാജ്യമാണ് ഇന്ത്യ. അതുകൊണ്ടുതന്നെ തീവ്രവാദത്തെ തുടച്ചുനീക്കുന്നതിനുള്ള പ്രവര്ത്തനങ്ങളില് ഇന്ത്യ മുന്പന്തിയില് ഉണ്ടാകുമെന്നും മോദി പറഞ്ഞു.
നൂറു കണക്കിന് ഇന്ത്യക്കാരാണ് മോദിയുടെ പ്രസംഗം കേള്ക്കാന് സാപ് സെന്ററില് എത്തിയത്.
ഇന്ന് ഐക്യരാഷ്ട്ര സഭയുടെ പൊതുചര്ച്ചയുടെ ഉദ്ഘാടന ചടങ്ങില് പങ്കെടുത്തതിനുശേഷം നരേന്ദ്ര മോഡി അമേരിക്കന് പ്രസിഡന്റ് ബരാക് ഒബാമയുമായി കൂടിക്കാഴ്ച നടത്തും. അധികാരത്തില് എത്തിയതിനുശേഷം ഒബാമയുമായി മോദി നടത്തുന്ന മൂന്നാമത്തെ കൂടിക്കാഴ്ചയാണ് ഇത്.
Discussion about this post