കൊച്ചി: ചലച്ചിത്ര- സീരിയൽ നടിയും സാമൂഹ്യ പ്രവർത്തകയുമായ പ്രസന്ന സുരേന്ദ്രൻ അന്തരിച്ചു. 63 വയസ്സായിരുന്നു. ചൈൽഡ് പ്രൊട്ടക്ഷൻ ടീം സംസ്ഥാന ചെയർപേഴ്സൺ ആയിരുന്നു.
ഹൃദയ സംബന്ധമായ അസുഖത്തെ തുടർന്ന് എറണാകുളത്തെ സ്വകാര്യ ആശുപത്രിയിൽ ചികിത്സയിൽ ഇരിക്കെയായിരുന്നു അന്ത്യം. കഴിഞ്ഞ ദിവസം ശസ്ത്രക്രിയക്ക് വിധേയയാക്കിയിരുന്നു. തുടർന്ന് ആരോഗ്യസ്ഥിതി മോശമാവുകയും മരണം സംഭവിക്കുകയുമായിരുന്നു.
തച്ചോളി വർഗീസ് ചേകവർ, ഇന്നലെകളില്ലാതെ, സ്ത്രീധനം, എന്റെ സൂര്യപുത്രിക്ക്, എന്നീ ചിത്രങ്ങളിൽ അഭിനയിച്ചിട്ടുണ്ട്. തിമിരമാണ് അവസാനം പുറത്തിറങ്ങിയ ചിത്രം. റിലീസിന് തയ്യാറെടുക്കുന്ന ബർമുഡയാണ് അവസാനമായി അഭിനയിച്ച ചിത്രം.
Discussion about this post