മുംബൈ: രാഹുൽ ഗാന്ധിക്കെതിരെ രൂക്ഷ വിമർശനവുമായി കേന്ദ്ര മന്ത്രി. ആർക്കും ഒരു ഉപകാരവുമില്ലാതെ അലഞ്ഞു നടക്കുന്ന ഒരു കാളയാണ് രാഹുലെന്ന് കേന്ദ്ര മന്ത്രി റാവുസാഹെബ് ദൻവെ പറഞ്ഞു. മഹാരാഷ്ട്രയിലെ ഒരു റാലിയിൽ സംസാരിക്കുകയായിരുന്നു അദ്ദേഹം.
‘രാഹുല്‍ ഗാന്ധിയെക്കൊണ്ട് ആര്‍ക്കും ഒരു ഉപകാരവുമില്ല. അദ്ദേഹം ഒരു കാളയെപ്പോലെയാണ്. അദ്ദേഹം എല്ലായിടത്തും അലഞ്ഞുനടക്കുന്നു. പക്ഷേ ആര്‍ക്കും ഒരുപകാരവുമില്ല.‘ ഇതായിരുന്നു കേന്ദ്ര മന്ത്രിയുടെ വാക്കുകൾ.
കഴിഞ്ഞ ഇരുപത് വർഷമായി ലോക്സഭയിൽ താൻ ഇത് കാണുകയാണെന്നും ദൻവെ പറഞ്ഞു. കേന്ദ്ര മന്ത്രിയുടെ പ്രസ്താവന അപമര്യാദയാണെന്നും ഞെട്ടിക്കുന്നതാണെന്നുമായിരുന്നു കോൺഗ്രസിന്റെ പ്രതികരണം.
Discussion about this post