തിരുവനന്തപുരം: സംസ്ഥാനത്ത് കഴിഞ്ഞ നാല് വർഷത്തിനിടെ പ്രണയബന്ധം നിമിത്തം 350 പെൺകുട്ടികൾക്ക് ജീവൻ നഷ്ടമായെന്ന് മന്ത്രി വീണാ ജോർജ്ജ് നിയമസഭയിൽ പറഞ്ഞു.
2017 മുതല് 2020 വരെയുള്ള കണക്കുകളാണ് നല്കിയിരിക്കുന്നത്.
പ്രണയബന്ധങ്ങളുടെ പേരില് 2020ലാണ് ഏറ്റവും കൂടുതല് പെണ്കുട്ടികള് മരണപ്പെട്ടത്. രണ്ട് കൊലപാതകങ്ങളും 96 ആത്മഹത്യകളും അടക്കം 98 കേസുകളാണ് റിപ്പോര്ട്ട് ചെയ്തത്. 2019ല് അഞ്ചു കൊലപാതകങ്ങളും 88 ആത്മഹത്യകളും ഉള്പ്പെടെ 93 കേസുകളും റിപ്പോർട്ട് ചെയ്തു.
2018ല് പ്രണയം മൂലം കൊലപാതകങ്ങള് റിപ്പോര്ട്ട് ചെയ്തിട്ടില്ല. എന്നാൽ 76 പെൺകുട്ടികൾ ആത്മഹത്യ ചെയ്തു. 2017ല് പ്രണയ ബന്ധത്തിന്റെ പേരില് 83 പേര്ക്ക് ജീവൻ നഷ്ടമായി.
