ബംഗലൂരു: ശ്രീകൃഷ്ണ ജയന്തി ദിനത്തിൽ ഇറച്ചിക്കടകൾ തുറക്കാൻ പാടില്ലെന്ന് ഉത്തരവിറക്കി തദ്ദേശ ഭരണകൂടം. കർണാടകയിലെ ബൃഹത് ബംഗലൂരു മഹാനഗര പാലികയാണ് ഉത്തരവ് പുറപ്പെടുവിച്ചിരിക്കുന്നത്. മൃഗസംരക്ഷണ ജോയിന്റ് ഡയറക്ടറുടേതാണ് ഉത്തരവ്.
ശ്രീകൃഷ്ണ ജയന്തി ദിനമായ ഓഗസ്റ്റ് 30ന് കശാപ്പും മാംസ വിൽപ്പനയും നിരോധിച്ചു കൊണ്ടാണ് ഉത്തരവിറക്കിയിരിക്കുന്നത്. അന്നേ ദിവസം അറവ് ശാലകൾ പ്രവർത്തിക്കരുതെന്ന് ഉത്തരവിൽ വ്യക്തമാക്കുന്നു. കഴിഞ്ഞ വർഷവും ബി ബി എം പി സമാനമായ രീതിയിൽ ജന്മാഷ്ടമിക്കും ഗണേശ ചതുർത്ഥിക്കും കശാപ്പും മാംസ വിൽപ്പനയും നിരോധിച്ചിരുന്നു.
Discussion about this post