ടോക്യോ: പാരാലിമ്പിക്സ് ജാവലിൻ ത്രോയിൽ ഇന്ത്യക്ക് ഇരട്ട മെഡൽ നേട്ടം. രണ്ട് തവണ സ്വർണ മെഡൽ നേട്ടം കരസ്ഥമാക്കിയിട്ടുള്ള ഇന്ത്യയുടെ ദേവേന്ദ്ര ജജാരിയ ടോക്യോയിൽ വെള്ളി നേടി. 64.35 ആണ് അദ്ദേഹം പിന്നിട്ട ദൂരം.
64.01 എറിഞ്ഞ് ഇന്ത്യയുടെ തന്നെ സുന്ദർ സിംഗ് ഗുർജാർ വെങ്കലം നേടി. ശ്രീലങ്കയുടെ ഹെറാത്ത് മുടിയനാണ് സ്വർണം. 67.79 മീറ്ററാണ് ഇദ്ദേഹത്തിന്റെ ദൂരം.
നേരത്തെ ഷൂട്ടിംഗ് 10 മീറ്റർ റൈഫിൾസിൽ ഇന്ത്യയുടെ അവനി ലേഖര സ്വർണം നേടിയിരുന്നു. കൂടാതെ കഴിഞ്ഞ ദിവസം ഇന്ത്യയുടെ ഭവിന ബെൻ പട്ടേൽ (ടേബ്ൾ ടെന്നിസ്), നിഷാദ് കുമാർ (ഹൈജംപ്), എന്നിവർ വെള്ളിയും വിനോദ് കുമാർ (ഡിസ്കസ്ത്രോ) വെങ്കലവും നേടിയിരുന്നു.
