ഡല്ഹി: സിപിഐ നേതാവും ജെഎന്യു മുന് വിദ്യാര്ഥി യൂണിയന് പ്രസിഡന്റുമായി കനയ്യ കുമാര് കോണ്ഗ്രസിലേക്കെന്ന് റിപ്പോര്ട്ട്. കനയ്യ കുമാര് കോണ്ഗ്രസ് നേതാക്കളുമായി കൂടിക്കാഴ്ച നടത്തിയെന്ന് പാര്ട്ടി വൃത്തങ്ങളെ ഉദ്ധരിച്ച് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്തു. കാര്യങ്ങള് ശരിയായ രീതിയില് മുന്നോട്ട് പോയാല് രാഹുല് ഗാന്ധിയുമായി കനയ്യ കുമാര് കൂടിക്കാഴ്ച നടത്തിയേക്കുമെന്നാണ് റിപ്പോര്ട്ട്.
രാഹുല് ഗാന്ധിയുമായുള്ള കൂടിക്കാഴ്ചക്ക് ശേഷം കനയ്യ കുമാര് കോണ്ഗ്രസില് ചേര്ന്നേക്കുമെന്നാണ് സൂചനകള്. ആള്ക്കൂട്ടത്തെ ആകര്ഷിക്കുന്ന മികച്ച നേതാക്കളുടെ ദൗര്ലഭ്യം ദേശീയ തലത്തില് കോണ്ഗ്രസ് നേരിടുന്ന ഘട്ടത്തിലാണ് കനയ്യ കുമാറുമായുള്ള ചര്ച്ചകള് നടക്കുന്നത്. കനയ്യ കുമാര് പാര്ട്ടിയിലേക്ക് എത്തുന്നത് യുവാക്കള്ക്കിടയില് ഗുണം ചെയ്യുമെന്നാണ് കോണ്ഗ്രസിന്റെ കണക്കുകൂട്ടല്.
Discussion about this post