സിപിഎം നിയന്ത്രണത്തിലുള്ള സീതത്തോട് സഹകരണബാങ്കിലെ സാമ്പത്തിക ക്രമക്കേടില് സസ്പെന്ഷനിലായ മുന് സെക്രട്ടറി കെയു ജോസ് ഉന്നയിക്കുന്നത് ഗുരുതര ആരോപണങ്ങള്. മുന്ഭരണസമിതിയുടെ വീഴ്ചകള് മറച്ചുവെക്കാന് തന്നെ ബലിയാടാക്കുകയായിരുന്നുവെന്ന് ജോസ് പറഞ്ഞു.
സാമ്പത്തിക ക്രമക്കേട് നടന്ന കാലത്ത് ബാങ്ക് സെക്രട്ടറിയുടെ സ്ഥാനത്ത് താൻ ഉണ്ടായിരുന്നില്ലെന്നും ജോസ് പറയുന്നു. ബാങ്കിന്റെ മുഴുവന് കാര്യങ്ങളും സിപിഎമ്മിനും കോന്നി എംഎല്എ കെ.യു ജനീഷ് കുമാറിനുമാണ് അറിയാവുന്നത്. എംഎല്എ അറിയാതെ ബാങ്കില് ഒരു നടപടിയും നടക്കില്ലെന്നും കെ.യു ജോസ് വ്യക്തമാക്കി.
സഹകരണ വകുപ്പ് ജീവനക്കാരെ സ്വാധീനിച്ച് എംഎല്എ തന്നെ പ്രതിയാക്കാന് ശ്രമിക്കുന്നു. സസ്പെന്ഷന് നടപടിയെ നിയമപരമായി നേരിടും. സാമ്പത്തിക ക്രമക്കേട് വിഷയം നേരത്തെ തന്നെ മുഖ്യമന്ത്രിയെ അറിയിച്ചിട്ടുണ്ടെന്നും കെ.യു ജോസ് കൂട്ടിച്ചേര്ത്തു.
2013 മുതല് 2018-വരെ ബാങ്കില് 1.63 കോടി രൂപയുടെ സാമ്പത്തിക തിരിമറി നടത്തിയെന്നാണ് ബാങ്ക് ഭരണസമിതിയുടെ ആരോപണം.
Discussion about this post