ഇസ്ലാമാബാദ്: പാകിസ്ഥാൻ ക്രിക്കറ്റ് ടീം മുൻ ക്യാപ്ടൻ ഇൻസമാം ഉൾ ഹഖിന് ഹൃദയാഘാതം. ഹൃദയാഘാതത്തെ തുടർന്ന് ലാഹോറിലെ ആശുപത്രിയിൽ പ്രവേശിപ്പിച്ച അദ്ദേഹത്തെ അടിയന്തര ശസ്ത്രക്രിയക്ക് വിധേയനാക്കി. നിലവിൽ അദ്ദേഹം തീവ്രപരിചരണ വിഭാഗത്തിൽ ചികിത്സയിലാണെന്ന് പാക് മാധ്യമം റിപ്പോർട്ട് ചെയ്യുന്നു.
ഏകദിന ക്രിക്കറ്റിൽ പാക്കിസ്ഥാന് വേണ്ടി ഏറ്റവും കൂടുതൽ റൺസ് നേടിയ താരമാണ് ഇൻസമാം. 1991ൽ രാജ്യാന്തര ക്രിക്കറ്റിൽ അരങ്ങേറ്റം കുറിച്ച ഇൻസമാം പാക്കിസ്ഥാനായി 120 ടെസ്റ്റിൽ 8830 റൺസും 378 ഏകദിനങ്ങളിൽ നിന്നായി 11,739 റൺസും നേടിയിട്ടുണ്ട്. ടെസ്റ്റിൽ 25 സെഞ്ചുറിയും ഏകദിനത്തിൽ 10 സെഞ്ചുറികളും അദ്ദേഹത്തിന്റെ പേരിലുണ്ട്.
