ടെഹ്റാന്: താലിബാന് ആശയങ്ങളോട് ചങ്ങാത്തം കൂടി ഇറാനും. രാജ്യത്തെ പുതിയ ടി വി സെന്സര്ഷിപ്പ് നിയമം പുറത്തുവന്നതോടെയാണ് ഇക്കാര്യം വ്യക്തമായത്. പുതിയ നിമയം ഏറക്കുറെ മുഴുവനായും സ്ത്രീകള്ക്ക് എതിരായുള്ളതാണ്. സ്ത്രീകളെ പരസ്യത്തിനുപയോഗിക്കുന്നത് വിലക്കുന്ന രീതിയിലുള്ളതാണ് പുതിയ നിയമം. സ്ത്രീകള് പിസ കഴിക്കുന്നത് പരസ്യത്തിനോ മറ്റ് ആവശ്യങ്ങള്ക്കോ വേണ്ടി ചിത്രീകരിക്കാന് പാടില്ലെന്നതാണ് ഇതിലെ പ്രധാന നിര്ദ്ദേശങ്ങളില് ഒന്ന്. നേരത്തേ ചിത്രീകരിച്ച ഇത്തരം രംഗങ്ങള് ടെലിവിഷനിലും സീരിയലുകളിലും സിനിമകളിലും കാണിക്കുന്നതിനും വിലക്കുണ്ട്. വിലക്ക് ലംഘിച്ചാല് ലൈസന്സ് പിന്വലിക്കുന്നതുള്പ്പടെയുള്ള കര്ശന ശിക്ഷാ നടപടികള് നേരിടേണ്ടിവരും. സാന്ഡ്വിച്ചുകള് കഴിക്കുന്ന രംഗങ്ങള്ക്കും നിരോധനമുണ്ട്.
പുരുഷന് സ്ത്രീകള്ക്ക് ചായകൊടുക്കുന്ന രംഗങ്ങള് കാണിക്കുന്നതിനും വിലക്കുണ്ട്. പരസ്യത്തിലോ സിനിമയിലോ സാഹചര്യത്തിന് അത്യാന്താപേക്ഷിതമാണെങ്കില്പ്പോലും ഇത്തരം രംഗം കാണിക്കരുതെന്നാണ് കര്ശന നിര്ദ്ദേശം. ഏറെ വിചിത്രമായ മറ്റൊരു ഉത്തരവും പുതിയ സെന്സര്ഷിപ്പ് നിയമത്തില് ഉള്പ്പെടുത്തിയിട്ടുണ്ട്. സ്ത്രീകള് ചുവപ്പുനിറത്തിലുള്ള പാനീയങ്ങള് ( അത് എന്തുതന്നെ ആയാലും ) കുടിക്കുന്നത് ഷൂട്ടുചെയ്യുന്നതിന് വിലക്കുണ്ട്. സ്ത്രീകള് ലെതര് ഗ്ലൗസ് ധരിക്കുന്നതിനും വിലക്കുണ്ട്. ഇക്കാര്യം ഉറപ്പാക്കണമെന്ന് നാടക പ്രവര്ത്തകര്ക്കും നിര്ദ്ദേശം നല്കിയിട്ടുണ്ട്.
സ്ത്രീകളെയും പുരുഷന്മാരെയും ചിത്രീകരിക്കുന്ന എല്ലാ രംഗങ്ങളും ചിത്രങ്ങളും സംപ്രേഷണം ചെയ്യുന്നതിന് മുമ്ബ് അധികൃതരെ കാണിച്ച് അംഗീകാരം നേടിയിരിക്കണം. ഒരുതരത്തിലുള്ള വിട്ടുവീഴ്ചയും ഇക്കാര്യത്തില് പ്രതീക്ഷിക്കേണ്ട. എന്നാല് എന്ത് അടിസ്ഥാനത്തിലാണ് കടുത്ത നിയന്ത്രണങ്ങള് ഏര്പ്പെടുത്തുന്നതെന്ന് വ്യക്തമാക്കാന് ഇറാന് ഇതുവരെ തയ്യാറായിട്ടില്ല. കടുത്ത ശിക്ഷ ഭയന്ന് ആരും ചോദ്യം ചെയ്യാനും തയ്യാറാവുന്നില്ല. പുതിയ നിയമം നിലവില് വന്നതോടെ വെബ്സൈറ്റുകള് ഉള്പ്പടെയുള്ളവ സ്വയം സെന്സറിംഗ് ഏര്പ്പെടുത്തിത്തുടങ്ങി.
ഇറാന്റെ അയല്രാജ്യമായ അഫ്ഗാനില് ഭരണം നടത്തുന്ന താലിബാന് സ്ത്രീകളുടെ അവകാശങ്ങള് അടിച്ചമര്ത്തുകയാണ്. പെണ്കുട്ടികള്ക്ക് വിദ്യാഭ്യാസം നിഷേധിച്ച താലിബാന് സ്ത്രീകള് പുറത്തിറങ്ങുന്നതുപോലും കര്ശന നിബന്ധനകളാണ് ഏര്പ്പെടുത്തിയിരിക്കുന്നത്. വീട്ടിനുളളില് നിന്ന് സ്ത്രീകളുടെ ശബ്ദം കേള്ക്കുന്നത് പൊറുക്കാനാവാത്ത കുറ്റങ്ങളുടെ ഗണത്തിലാണ് കൂട്ടിയിരിക്കുന്നത്.
Discussion about this post