തിരുവനന്തപുരം: നടന് നെടുമുടി വേണുവിനെ ആശുപത്രിയില് പ്രവേശിപ്പിച്ചു. അദ്ദേഹത്തിന്റെ ആരോഗ്യ നില ഗുരുതരമെന്ന് മെഡിക്കല് റിപ്പോര്ട്ടില് പരാമര്ശിക്കുന്നു. അദ്ദേഹം ഒന്നിലധികം ആരോഗ്യപ്രശ്നങ്ങള് നേരിടുന്നു എന്നാണ് വിവരം. തിരുവനന്തപുരത്തെ സ്വകാര്യാശുപത്രിയിലാണ് അദ്ദേഹം ചികിത്സയില് കഴിയുന്നത്.
തിയേറ്ററിലും ഡിജിറ്റല് പ്ലാറ്റുഫോമിലും പ്രദര്ശനത്തിനെത്തിയ ‘ആണും പെണ്ണും’ എന്ന സിനിമയിലാണ് അദ്ദേഹം ഏറ്റവും അടുത്തായി അഭിനയിച്ചത്. ഡോ: ബിജു സംവിധാനം ചെയ്യുന്ന ‘ഓറഞ്ച് മരങ്ങളുടെ വീട്’ എന്ന സിനിമയിലും പ്രധാനവേഷം ചെയ്തിട്ടുണ്ട്. കമല് ഹാസന്റെ ‘ഇന്ത്യന് 2’ ലും അദ്ദേഹം വേഷമിടുമെന്ന് റിപ്പോർട്ടുകളുണ്ടായിരുന്നു.
തിയേറ്റര് റിലീസിനായി കാത്തിരിക്കുന്ന ‘മരയ്ക്കാര്: അറബിക്കടലിന്റെ സിംഹം’ സിനിമയിലും അദ്ദേഹം അഭിനയിച്ചിട്ടുണ്ട്.
Discussion about this post