തിരുവനന്തപുരം: അണക്കെട്ട് പഴയതാണ്, മുല്ലപ്പെരിയാറില് പുതിയ അണക്കെട്ട് നിർമ്മിക്കണമെന്ന് ഗവര്ണര് ആരിഫ് മുഹമ്മദ് ഖാന്. ജനങ്ങളുടെ ആശങ്ക സര്ക്കാരിനെ അറിയിച്ചിട്ടുണ്ടെന്നും, പരിഹാരം ഉണ്ടാകുമെന്നാണ് പ്രതീക്ഷയെന്നും ഗവര്ണര് പറഞ്ഞു.
വിഷയവുമായി ബന്ധപ്പെട്ട് തമിഴ്നാട് സര്ക്കാരുമായുള്ള ചര്ച്ചയില് പ്രതീക്ഷയുണ്ടെന്നും ഗവര്ണര് വ്യക്തമാക്കി. ജല തര്ക്കങ്ങളില് ശാശ്വത പരിഹാരം ഉണ്ടാക്കേണ്ടത് കോടതികളാണെന്നും അദ്ദേഹം മാദ്ധ്യമങ്ങളോട് പറഞ്ഞു.
കേരള-തമിഴ്നാട് സര്ക്കാരുകളുടെ ഉന്നതതല അടിയന്തര യോഗം ഇന്ന് വൈകിട്ട് മൂന്ന് മണിക്ക് നടക്കും. കൂടുതല് വെള്ളം കൊണ്ടുപോകാന് തമിഴ്നാടിനോട് കേരളം ആവശ്യപ്പെടും. നിലവില് 137.55 അടിയാണ് അണക്കെട്ടിലെ ജലനിരപ്പ്.
