തിരുവനന്തപുരം: സംസ്ഥാനത്ത് നാളെയും മാറ്റന്നാളും കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ആറ് ജില്ലകളില് നാളെ ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം മുതല് ഇടുക്കി വരെയുള്ള ജില്ലകളിലാണ് തീവ്രമഴ മുന്നറിയിപ്പുള്ളത്. അതേസമയം ഇന്ന് പത്ത് ജില്ലകളില് യെല്ലോ അലര്ട്ട്a പ്രഖ്യാപിച്ചിട്ടുണ്ട്.
ബംഗാള് ഉള്ക്കടലിലെ ന്യൂനമര്ദ്ദമാണ് തെക്കേ ഇന്ത്യന് തീരത്ത് ശക്തമായ മഴ തുടരാന് കാരണം. നിലവില് ശ്രീലങ്കയ്ക്ക് മുകളിലും തമിഴ്നാട് തീരത്തുമായി സ്ഥിതി ചെയ്യുന്ന ന്യൂനമര്ദ്ദം അടുത്ത രണ്ട് ദിവസത്തേക്ക് കാര്യമായി നീങ്ങാന് സാധ്യതയില്ലെന്നാണ് വിലയിരുത്തല്. ഇതിന് ശേഷമാകും അറബിക്കടലിലേക്ക് നീങ്ങുകയെന്നാണ് നിരീക്ഷണം. ബുധനാഴ്ച വരെ മത്സ്യത്തൊഴിലാളികള് കടലില് പോകരുതെന്നാണ് മുന്നറിയിപ്പ്.
ഇന്ന് 10 ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്. നേരത്തെ ഇത് 12 ജില്ലകളിലായിരുന്നു. ഇതാണ് ഇപ്പോള് പത്ത് ജില്ലകളാക്കി ചുരുക്കിയിട്ടുള്ളത്. വടക്കന് കേരളത്തിലെ കണ്ണൂര്, കാസര്കോട് ഒഴികെയുള്ള ജില്ലകളിലാണ് മഞ്ഞ ജാഗ്രതയുള്ളത്.നിലവില് നല്കിയിട്ടുള്ള അറിയിപ്പ് പ്രകാരം നാളെയും ഈ ജില്ലകളില് മഞ്ഞ ജാഗ്രത പ്രഖ്യാപിച്ചിട്ടുണ്ട്. കാലാവസ്ഥ നിരീക്ഷണ കേന്ദ്രം നല്കുന്ന പുതിയ അറിയിപ്പ് പ്രകാരം വരുന്ന മൂന്ന് മണിക്കൂറില് തെക്കന് കേരളത്തിലെ കൊല്ലം, തിരുവനന്തപുരം ജില്ലകളിലെ ഒറ്റപ്പെട്ടയിടങ്ങളില് ശക്തമായ മഴ ലഭിക്കുമെന്നാണ് മുന്നറിയിപ്പ്
Discussion about this post