ചണ്ഡിഗഡ്: പഞ്ചാബ് മുന് മുഖ്യമന്ത്രി ക്യാപ്റ്റന് അമരീന്ദര് സിംഗ് പുതിയ പാര്ട്ടി പ്രഖ്യാപിച്ചു. ‘പഞ്ചാബ് ലോക് കോണ്ഗ്രസ്’ എന്നാണ് ക്യാപ്റ്റന്റെ പാര്ട്ടിയുടെ പേര്. അടുത്തവര്ഷം നടക്കുന്ന തെരഞ്ഞെടുപ്പില് സ്വന്തം പാര്ട്ടിയുണ്ടാക്കി മത്സരിക്കുമെന്ന് മുന്പ് അമരീന്ദര് സിംഗ് അറിയിച്ചിരുന്നു.
സോണിയാ ഗാന്ധിയ്ക്ക് കോണ്ഗ്രസില് നിന്ന് രാജിവച്ചതായി അറിയിച്ച് കത്തയച്ചതിന് ശേഷമാണ് അദ്ദേഹത്തിന്റെ പാര്ട്ടി പ്രഖ്യാപനം. കോണ്ഗ്രസ് വിടുന്നതായി പ്രഖ്യാപിച്ച് ഒരു മാസത്തിന് ശേഷമാണ് പുതിയ പാര്ട്ടിയുടെ പിറവി.
സെപ്തംബര് 18ന് പഞ്ചാബ് കോണ്ഗ്രസ് അധ്യക്ഷന് നവ്ജ്യോത് സിംഗ് സിദ്ദുവുമായുളള അഭിപ്രായവ്യത്യാസത്തെ തുടര്ന്നാണ് അമരീന്ദര് സിംഗ് മുഖ്യമന്ത്രി സ്ഥാനം രാജിവെച്ചത്.
Discussion about this post