തിരുവനന്തപുരം: സര്ഗാത്മക പ്രവര്ത്തനമാണ് സിനിമയെന്നും കോണ്ഗ്രസിന് സിനിമയെ സംരക്ഷിക്കാനുളള ബാദ്ധ്യതയുണ്ടെന്നും കെപിസിസി യോഗത്തിലെ നയം വ്യക്തമാക്കി കെപിസിസി പ്രസിഡന്റ് കെ.സുധാകരന്.
സിനിമാ ചിത്രീകരണം തടയുന്ന യൂത്ത് കോണ്ഗ്രസ് പ്രതിഷേധത്തിനെതിരെ എതിര്പ്പ് പ്രകടിപ്പിച്ച സുധാകരന് ഷൂട്ടിംഗ് സെറ്റിലേക്കുളള സമരം ശരിയല്ലെന്ന് പറഞ്ഞു. സമരം പിന്വലിക്കാന് യൂത്ത് കോണ്ഗ്രസ് നേതൃത്വത്തോട് ആവശ്യപ്പെടുമെന്നും, ജോജു സംഭവത്തില് നേതാക്കള്ക്കെതിരെയെടുത്ത കേസുകള് നിയമപരമായി നേരിടുമെന്നും കെ.സുധാകരന് അറിയിച്ചു. കൊച്ചി ഷേണായീസ് തീയേറ്ററിന് മുന്നില് ജോജുവിന്റെ ചിത്രമുളള റീത്ത് വച്ച് യൂത്ത് കോണ്ഗ്രസ് ഇന്ന് പ്രതിഷേധിച്ചിരുന്നു. ഇതിന് പിന്നാലെയാണ് കെ.സുധാകരന് പ്രതികരിച്ചത്.
ഇന്ധനവില വര്ദ്ധനയ്ക്കെതിര മനുഷ്യചങ്ങല സംഘടിപ്പിക്കാനാണ് കോണ്ഗ്രസ് തീരുമാനം. സെക്രട്ടറിയേറ്റ് മുതല് രാജ്ഭവന് വരെയാണ് മനുഷ്യചങ്ങല നിര്മ്മിക്കുക. ബ്ലോക്ക് തലം മുതല് വിഷയത്തില് പ്രതിഷേധം ശക്തമാക്കാന് കെപിസിസി ഭാരവാഹി യോഗത്തില് തീരുമാനമായി.
Discussion about this post