ഡൽഹി: ഒമിക്രോണുമായി ബന്ധപ്പെട്ട് ആശ്വാസം പകരുന്ന വാർത്തകൾ പുറത്ത് വരുന്നു. ഒമിക്രോൺ തീവ്രമായേക്കില്ലെന്ന് കേന്ദ്ര സർക്കാർ അറിയിച്ചു. രോഗലക്ഷണങ്ങൾ നേരിയ തോതില് മാത്രമാണ് പ്രകടമാകുന്നതെന്നാണ് കേന്ദ്രം വ്യക്തമാക്കുന്നത്.
കൊവിഡ് മുൻ വകഭേദങ്ങളേക്കാൾ ഒമിക്രോൺ വേഗത്തിൽ സുഖപ്പെടുന്നുണ്ട്. രോഗവ്യാപനം തീവ്രമായില്ലെങ്കിൽ മൂന്നാം തരംഗ സാധ്യത കുറവെന്നും ആരോഗ്യമന്ത്രാലയം വ്യക്തമാക്കുന്നു. ഒമിക്രോണ് ഭീഷണിയില് ബൂസ്റ്റര് ഡോസ് നല്കുന്നത് സര്ക്കാരിന്റെ സജീവപരിഗണനയിലാണെന്നും ആരോഗ്യ മന്ത്രാലയം അറിയിക്കുന്നു.
വാക്സിനുകളുടെ പ്രതിരോധ ശേഷിയെ മറികടക്കാന് ഒമിക്രോണിനാകുമെന്ന റിപ്പോര്ട്ടുകളുടെ പശ്ചാത്തലത്തിലാണ് ബൂസ്റ്റര് ഡോസ് ആവശ്യം പരിഗണിക്കുന്നത്. 40 വയസിന് മുകളില് രോഗപ്രതിരോധ ശേഷി കുറഞ്ഞവര്ക്കും മറ്റ് രോഗങ്ങളലട്ടുന്നവര്ക്കും ബൂസ്റ്റര് ഡോസ് നല്കാമെന്ന് സര്ക്കാരിന്റെ തന്നെ കൊവിഡ് ജീനോം മാപ്പിംഗ് ഗ്രൂപ്പ് ശുപാര്ശ നല്കുകയും ചെയ്തു. വിദഗ്ധ സമിതി ഇക്കാര്യം പരിശോധിക്കുകയാണെന്ന് ആരോഗ്യമന്ത്രി ലോക്സഭയെ അറിയിച്ചു.
Discussion about this post