നടൻ ചിരഞ്ജീവിക്ക് കൊവിഡ് സ്ഥിരീകരിച്ചു. നിലവിൽ ക്വാറന്റീനിലാണ് താരം. ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്.
തന്നോടൊപ്പം ഇടപഴകിയവർ എല്ലാം തന്നെ കൊവിഡ് നിയന്ത്രണങ്ങൾ പാലിച്ച് നിരീക്ഷണത്തിൽ പോകണമെന്ന് ചിരഞ്ജീവി അഭ്യർത്ഥിച്ചു. ചിരഞ്ജീവിയുടെ രോഗം എത്രയും വേഗം ഭേദമാകട്ടെ എന്ന് നിരവധി പ്രമുഖർ ട്വീറ്റ് ചെയ്തു.
കൊരട്ടല ശിവ സംവിധാനം ചെയ്യുന്ന ‘ആചാര്യ‘ എന്ന ചിത്രത്തിലാണ് ചിരഞ്ജീവി ഇപ്പോൾ അഭിനയിക്കുന്നത്. ചിത്രത്തിൽ രാം ചരണും അഭിനയിക്കുന്നുണ്ട്. മോഹൻലാൽ നായകനായ ലൂസിഫറിന്റെ തെലുങ്ക് പതിപ്പായ ഗോഡ്ഫാദറാണ് ചിരഞ്ജീവിയുടെ അടുത്ത് റിലീസ് ആകാനിരിക്കുന്ന ചിത്രം.
ചിരഞ്ജീവിക്ക് വേഗം രോഗം ഭേദമാകാൻ ആരാധകർ പ്രത്യേക പ്രാർത്ഥനകൾ നടത്തി.
Discussion about this post