കോട്ടയം: ജയിച്ച വിദ്യാർത്ഥിനിയെ തോറ്റെന്ന് തെറ്റിദ്ധരിപ്പിച്ച് ജയിപ്പിച്ച് നൽകാമെന്ന് വാഗ്ദാനം ചെയ്ത് പണം തട്ടിയതിന് വിജിലൻസ് പിടികൂടിയ യൂണിവേഴ്സിറ്റി അസിസ്റ്റന്റ് എൽസി ഇടത് യൂണിയൻ പ്രവർത്തക. സർവ്വകലാശാലയിലെ സിപിഎം അനുകൂല സംഘടനയായ എംജി സർവ്വകലാശാല എംപ്ലോയീസ് അസോസിയേഷൻ പ്രവർത്തകയാണ് എൽസി.
പ്രതി ഇടത് യൂണിയൻ പ്രവർത്തകയായതുകൊണ്ടു തന്നെ രാഷ്‌ട്രീയ സ്വാധീനം ഉപയോഗിച്ച് അന്വേഷണം അട്ടിമറിക്കാൻ ശ്രമിച്ചേക്കുമെന്ന ആശങ്ക അന്വേഷണ ഉദ്യോഗസ്ഥർക്കുണ്ട്. അറസ്റ്റിലായ എൽസി കൈകാര്യം ചെയ്യുന്ന വിഭാഗത്തിലെ ഫയലുകൾ പരിശോധിക്കാൻ ഒരുങ്ങുകയാണ് വിജിലൻസ്. കേസിൽ കൃത്യമായ അന്വേഷണം വേണമെന്ന് വിദ്യാർത്ഥി സംഘടനകളും ആവശ്യപ്പെടുന്നു.
സംഭവത്തിൽ അന്വേഷണം നടത്താൻ സർവകലാശാലയും തീരുമാനിച്ചു. നാളെ ചേരുന്ന സിൻഡിക്കേറ്റ് യോഗത്തിൽ അന്വേഷണ സമിതിയെ നിശ്ചയിക്കാനാണ് തീരുമാനം.
സംഭവത്തിൽ കൂടുതൽ ഉദ്യോഗസ്ഥർക്ക് പങ്കുണ്ടോയെന്നും വിജിലൻസ് അന്വേഷിക്കുന്നുണ്ട്.
Discussion about this post