ഇസ്ലാമാബാദ്: സര്ക്കാറിനെതിരായ അവിശ്വാസ പ്രമേയത്തെ അനുകൂലിക്കുന്ന വിമതന്മാരെ അയോഗ്യരാക്കണമെന്ന ആവശ്യവുമായി പാകിസ്ഥാൻ പ്രധാനമന്ത്രി ഇമ്രാൻ ഖാൻ പാക് സുപ്രീം കോടതിയെ സമീപിച്ചു. ഇതിനായി ഭരണഘടന വ്യവസ്ഥയില് വ്യക്തത വേണമെന്ന് ഇമ്രാൻ ഖാൻ ആവശ്യപ്പെട്ടു.
പാർട്ടിക്കെതിരെ വോട്ടു ചെയ്യുന്നവരെ അയോഗ്യരാക്കാമെന്ന് ഭരണഘടനയിൽ പറയുന്നുണ്ടെങ്കിലും കാലാവധിയെപ്പറ്റി വ്യക്തതയില്ല. ഇതിലാണ് ഇമ്രാന് സര്ക്കാര് കോടതിയെ സമീപിച്ചത്. ഈ നടപടിയിലൂടെ ആജീവനാന്ത വിലക്ക് പേടിച്ച് വിമതര് തിരിച്ചു വരുമെന്നാണ് സർക്കാരിന്റെ കണക്ക് കൂട്ടൽ.
വെള്ളിയാഴ്ച തുടങ്ങാനിരിക്കുന്ന പാര്ലമെന്റ് സമ്മേളനത്തിലാണ് അവിശ്വാസ പ്രമേയം അവതരിപ്പിക്കുന്നത്. 342 അംഗ പാർലമെന്റിൽ 172 വോട്ട് ആണ് ഭൂരിപക്ഷത്തിന് വേണ്ടത്. പ്രതിപക്ഷകക്ഷിയായ പാക്കിസ്ഥാൻ മുസ്ലിം ലീഗ്– നവാസ് വിഭാഗം, പാക്കിസ്ഥാൻ പീപ്പിൾസ് പാർട്ടി (പിപിപി) എന്നിവരുടെ എംപിമാരാണ് പ്രമേയത്തിന് നോട്ടീസ് നല്കിയത്. ഇവര്ക്കൊപ്പം ഇമ്രാന്റെ പാര്ട്ടിയിലെ വിമതരായ 24 പേരും ചേർന്നാൽ സർക്കാർ താഴെ വീഴും.
അതേ സമയം ഇമ്രാന് സ്ഥാനമൊഴിയുന്നതാണ് നല്ലത് എന്നാണ് പാക് സൈന്യത്തിന്റെയും അഭിപ്രായം എന്ന റിപ്പോര്ട്ടും പുറത്തു വരുന്നുണ്ട്. പാക്കിസ്ഥാനിൽ നടക്കുന്ന ഇസ്ലാമിക രാഷ്ട്രങ്ങളുടെ കൂട്ടായ്മയായ ഒഐസിയുടെ സമ്മേളനത്തിനു ശേഷം സ്ഥാനമൊഴിയണമെന്ന് പാക് കരസേന മേധാവി ലഫ്. ജനറൽ ഖമർ ജാവേദ് ബജ്വ ഇമ്രാനോട് നിര്ദേശിച്ചതായി പാക് മാധ്യമങ്ങളില് റിപ്പോര്ട്ടുണ്ട്. ഇതോടെ സൈന്യവും ഇമ്രാനെ കൈവിട്ടു എന്നാണ് വിവരം.
ഇമ്രാനെതിരെ പാകിസ്ഥാനിൽ ജനരോഷവും ശക്തമായിരിക്കുകയാണ്. അവിശ്വാസത്തെ നേരിട്ട് പരാജയം ഏറ്റുവാങ്ങുക, അല്ലെങ്കില് അതിന് നിൽക്കാതെ രാജിവെച്ചൊഴിയുക എന്നീ രണ്ട് വഴികളേ നിലവിൽ ഇമ്രാന് മുന്നിൽ ഉള്ളൂ. രാജ്യം പാപ്പരായ അവസ്ഥയിലാണ്. ആഭ്യന്തര സംഘർഷങ്ങൾ അതിരൂക്ഷവും പണപ്പെരുപ്പം കാരണം ജനജീവിതം ദുസ്സഹവുമായ അവസ്ഥയാണ് പാകിസ്ഥാനിൽ നിലവിലുള്ളത്.
