ശ്രീനഗർ: ജമ്മു കശ്മീരിൽ സൈനിക വാഹനത്തിന് നേരെ ഭീകരാക്രമണം. ഡ്യൂട്ടിക്ക് പോവുകയായിരുന്ന സി ഐ എസ് എഫ് ഉദ്യോഗസ്ഥർ സഞ്ചരിച്ചിരുന്ന വാഹനത്തിന് നേർക്കാണ് ഭീകരർ വെടിവെപ്പ് നടത്തിയത്. ആക്രമിക്കപ്പെടുമ്പോൾ 15 സൈനികർ വാഹനത്തിൽ ഉണ്ടായിരുന്നു.
ജമ്മുവിലെ ഛദ്ദ ക്യാമ്പിന് സമീപം പുലർച്ചെ 4.25നായിരുന്നു ആക്രമണം നടന്നത്. ആക്രമണത്തിൽ ഒരു അഡീഷണൽ സബ് ഇൻസ്പെക്ടർ വീരമൃത്യു വരിച്ചു. രണ്ട് സൈനികർക്ക് പരിക്കേറ്റു.
അപ്രതീക്ഷിതമായ ആക്രമണത്തിലും പതറാതെ നിന്ന സൈനികർ ഉടൻ തന്നെ ഭീകരർക്ക് നേരെ പ്രത്യാക്രമണം നടത്തി. സൈന്യത്തിന്റെ തിരിച്ചടിയിൽ പതറിയ ഭീകരർ ഓടി രക്ഷപ്പെട്ടു, സൈന്യത്തിന്റെ പ്രത്യാക്രമണം ശക്തമായിരുന്നതിനാൽ വൻ ദുരന്തം ഒഴിവായതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.
Discussion about this post