സംസ്ഥാനത്ത് വരുന്ന അഞ്ച് ദിവസങ്ങളില് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. ഒറ്റപ്പെട്ട് ഇടങ്ങളില് ഇടിമിന്നലോട് കൂടിയ ശക്തമായ മഴ ലഭിക്കും. തെക്കേ ഇന്ത്യക്ക് മുകളിലെ ന്യൂന മര്ദ്ദ പാത്തിയുടെയും കിഴക്ക്- പടിഞ്ഞാറന് കാറ്റുകളുടെ സംയോജനത്തിന്റെയും സ്വാധീന ഫലമായാണ് കേരളത്തില് മഴ കനക്കുക എന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.
ഉച്ചയ്ക്ക് രണ്ട് മണി മുതല് രാത്രി 10 മണി വരെയുള്ള സമയത്ത് ഇടിമിന്നലിന് സാധ്യതയുണ്ട്. പൊതുജനങ്ങളോട് ജാഗ്രത പാലിക്കാന് സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നല്കിയിട്ടുണ്ട്. ശക്തമായ കാറ്റിനും സാധ്യതയുണ്ട്.
കാറ്റിലും മഴയിലും വൈദ്യുതി കമ്പികളും പോസ്റ്റുകളും പൊട്ടിവീഴുന്നത് ശ്രദ്ധയില്പ്പെട്ടാല് കെഎസ്ഇബിയുടെ 1912 എന്ന കണ്ട്രോള് റൂം നമ്പറില് വിവരം അറിയിക്കാം. 1077 എന്ന ജില്ലാ ദുരന്ത നിവാരണ അതോറിറ്റിയുടെ നമ്പറിലും ബന്ധപ്പെടാമെന്ന് അധികൃതര് അറിയിച്ചു.
Discussion about this post