രാജ്യത്തിന് ആദ്യത്തെ ആദിവാസി വനിതാ പ്രസിഡന്റിനെ ലഭിക്കും, ദ്രൗപദി മുര്മുവിനെ എന്ഡിഎ രാഷ്ട്രപതി സ്ഥാനാര്ത്ഥിയാക്കിയത് അഭിനന്ദനാര്ഹമെന്ന് ഗവര്ണര് ആരിഫ് മുഹമ്മദ് ഖാന്. എല്ലാവിഭാഗം ജനങ്ങള്ക്കും പങ്കാളിത്തമുള്ള ഭരണം സാധ്യമാകും. പ്രധാനമന്ത്രി നാളുകളായി പറയുന്നത് ഇതാണെന്നും ഗവര്ണര് പറഞ്ഞു.
അതേസമയം എന്ഡിഎയുടെ രാഷ്ട്രപതി സ്ഥാനാര്ഥി ദ്രൗപതി മുര്മു നാമനിര്ദേശ പത്രിക സമര്പ്പിച്ചു. . പ്രധാനമന്ത്രി നരേന്ദ്രമോദി, എന്ഡിഎ സഖ്യകക്ഷി നേതാക്കളെ കൂടാതെ ബിജെഡി, വൈഎസ്ആര് കോണ്ഗ്രസ് പ്രതിനിധികളും പത്രികാ സമര്പ്പണത്തിനെത്തി.
വരണാധികാരിയായ രാജ്യസഭാ സെക്രട്ടറി ജനറലിനാണ് പത്രിക നല്കിയത്. നാല് സെറ്റ് പത്രികയാണ് സമര്പ്പിച്ചത്. ബി.ജെ.പി യുടെ ദേശീയ നേത്യനിര ഒന്നടങ്ങം ചടങ്ങിന്റെ ഭാഗമായിരുന്നു.
നാമനിര്ദ്ധേശ പത്രിക സമര്പ്പിക്കാനെത്തിയ ദ്രൗപുദി മുര്മ്മു പാര്ലമെന്റ് മന്ദിരത്തിലെ ഗാന്ധി പ്രതിമയിലും ഡോ.ബി.ആര്. അംബേദ്ക്കറിന്റെ പ്രതിമയിലും പുഷ്പാര്ച്ചന നടത്തി. ഒഡിഷയില് നിന്നുള്ള ഗോത്രവര്ഗനേതാവും ജാര്ഖണ്ഡ് മുന്ഗവര്ണറുമാണ് ദ്രൗപദി മുര്മു.
Discussion about this post