ക്രിസ്ത്യൻ ഭൂരിപക്ഷ രാജ്യമായ ഓസ്ട്രേലിയയിൽ ക്രിസ്ത്യാനികളുടെ ജനസംഖ്യ കുറയുന്നു: നിരീശ്വരവാദികളും ഹിന്ദുക്കളും കൂടിവരുന്നതായും റിപ്പോർട്ട്

ന്യൂഡൽഹി: ക്രിസ്ത്യൻ ഭൂരിപക്ഷ രാജ്യമായ ഓസ്ട്രേലിയയിൽ ക്രിസ്ത്യാനികളുടെ ജനസംഖ്യ അതിവേഗം കുറഞ്ഞുവരുന്നതായി റിപ്പോർട്ട്. 2016 ലെ ജനസംഖ്യാ കണക്കനുസരിച്ച് 52% ആയിരുന്നു ക്രിസ്ത്യൻ ജനസംഖ്യ. ഇപ്പോഴത്തെ കണക്കനുസരിച്ച് ഓസ്‌ട്രേലിയയിൽ ഇപ്പോൾ 50 ശതമാനത്തിൽ താഴെയാണ് ക്രിസ്ത്യൻ ജനസംഖ്യ എന്നും റിപ്പോർട്ടുകൾ വ്യക്തമാക്കുന്നു.

ഓസ്‌ട്രേലിയയിലെ 44 ശതമാനം മാത്രമാണ് ഇപ്പോൾ ക്രിസ്ത്യൻ ജനസംഖ്യ. എന്നാൽ ജനസംഖ്യാ വർദ്ധനവിന്റെ ശതമാനം വളരെ കൂടുതലാണ്. ഇതോടൊപ്പം ഓസ്‌ട്രേലിയയിൽ നിരീശ്വരവാദികളുടെ എണ്ണവും അതിവേഗം വർധിച്ചുവരികയാണെന്നാണ് റിപ്പോർട്ട്. 39 ശതമാനം നിരീശ്വരവാദികളാണ് ഇപ്പോൾ ഓസ്ട്രേലിയയിൽ ഉള്ളതെന്നും റിപ്പോർട്ടുകൾ വ്യക്തമാക്കുന്നു.

50 വർഷം മുമ്പ് ക്രിസ്ത്യൻ ജനസംഖ്യ 90 ശതമാനമായിരുന്നു.2021 ലെ സെൻസസിൽ നിന്ന് പുറത്തുവന്ന കണക്കുകൾ അനുസരിച്ച് ഓസ്‌ട്രേലിയയിൽ ആദ്യമായി, ക്രിസ്ത്യാനികളുടെ എണ്ണം 50 ശതമാനത്തിൽ താഴെയായി. 50 വർഷം മുമ്പ് ഈ കണക്ക് 90 ശതമാനമായിരുന്നു എന്നത് ശ്രദ്ധേയമാണ്. എന്നിരുന്നാലും, ക്രിസ്ത്യാനിറ്റിയിൽ വിശ്വസിക്കുന്നവരുടെ എണ്ണമാണ് രാജ്യത്ത് ഉയർന്നു നിൽക്കുന്നത്. രണ്ടാം സ്ഥാനത്തുള്ളത് ഒരു മതത്തിലും വിശ്വസിക്കാത്തവരാണ്. 39 ശതമാനം ആളുകളാണ് ഈ വിഭാഗത്തിൽപെടുന്നത്. മൊത്തം ജനസംഖ്യയിൽ നിരീശ്വരവാദികളുടെ ശതമാനം വളരെ കൂടുതലുള്ള ലോകത്തിലെ രാജ്യങ്ങളിലൊന്നാണ് ഓസ്‌ട്രേലിയ. കഴിഞ്ഞ 5 വർഷത്തിനിടെ നിരീശ്വരവാദികളുടെ എണ്ണം 9 ശതമാനം വർധിച്ചു.

2016ൽ 1.9 ലക്ഷമായിരുന്ന ഹിന്ദുക്കളുടെ ജനസംഖ്യ ഇപ്പോൾ 3 ലക്ഷമായി ഉയർന്നു.   അതേസമയം മുസ്ലീങ്ങളുടെ ജനസംഖ്യയിലും വലിയ വർധനവുണ്ടായിട്ടുണ്ടെന്നും റിപ്പോർട്ടുകൾ സൂചിപ്പിക്കുന്നു.2016ൽ ഓസ്‌ട്രേലിയയിലെ മുസ്‌ലിം ജനസംഖ്യ 2.6 ലക്ഷമായിരുന്നെങ്കിൽ ഇപ്പോൾ അത് 3.20 ലക്ഷമായി ഉയർന്നു. മൊത്തം ജനസംഖ്യ കണക്കു നോക്കുമ്പോൾ മുസ്ലീങ്ങളുടെയും ഹിന്ദുക്കളുടെയും ജനസംഖ്യാ നിരക്ക് വളരെ കുറവാണ്.

ഓസ്‌ട്രേലിയയിൽ, ഓരോ 5 വർഷത്തിലും സെൻസസ് നടത്തപ്പെടുന്നു. ഇതോടെ പുതിയ വിവരങ്ങളും പുറത്തുവരുന്നു. ഓസ്‌ട്രേലിയയിലെ പുതിയ സെൻസസ് കണക്കുകൾ പ്രകാരം ഇവിടുത്തെ ജനസംഖ്യ 25 ദശലക്ഷം കവിഞ്ഞു. ഇപ്പോൾ രാജ്യത്തെ ജനസംഖ്യ രണ്ട് കോടി 55 ലക്ഷം ആയി. 2016ൽ ഓസ്‌ട്രേലിയയിലെ ജനസംഖ്യ 23.34 ദശലക്ഷമായിരുന്നു. ഇതുവഴി കഴിഞ്ഞ 5 വർഷത്തിനിടെ രാജ്യത്തെ ജനസംഖ്യ 21 ലക്ഷം വർദ്ധിച്ചു.

ഈ സെൻസസ് ഡാറ്റ അനുസരിച്ച്, ഓസ്‌ട്രേലിയയിലെ ജനസംഖ്യയുടെ പകുതിയിലധികം പേരും ഒന്നുകിൽ വിദേശത്ത് ജനിച്ചവരാണ് അല്ലെങ്കിൽ അവരുടെ മാതാപിതാക്കൾ വിദേശത്ത് ജനിച്ചവരാണ്. കഴിഞ്ഞ അഞ്ച് വർഷത്തിനിടെ പത്ത് ലക്ഷത്തിലധികം ആളുകൾ മറ്റ് രാജ്യങ്ങളിൽ നിന്ന് ഓസ്‌ട്രേലിയയിലേക്ക് കുടിയേറിയവരാണ്.ഇവരിൽ നാലിലൊന്ന് പേർ ഇന്ത്യയിൽ നിന്ന് അവിടെ എത്തിയവരാണ്.