ശ്രീനഗർ: ജമ്മു കശ്മീരിൽ ഐടിബിപി സംഘം സഞ്ചരിച്ച വാഹനം അപകടത്തിൽ പെട്ടു. പഹൽഗാമിലെ ഫ്രിസ്ലാനിലായിരുന്നു അപകടം. 39 പേരാണ് വാഹനത്തിൽ ഉണ്ടായിരുന്നത്. ഇതിൽ 37 പേർ ഐടിബിപി ജവാന്മാരും രണ്ട് പേർ ജമ്മു കശ്മീർ പോലീസ് ഉദ്യോഗസ്ഥരുമാണ്.
അപകടത്തിൽ 6 ജവാന്മാർ വീരമൃത്യു വരിച്ചതായാണ് വിവരം. ജവാന്മാരുമായി പോയ വാഹനം നദീതടത്തിലേക്ക് മറിയുകയായിരുന്നു. ബ്രേക്ക് തകരാറാണ് അപകടത്തിന് കാരണം എന്നാണ് പ്രാഥമിക നിഗമനം.
അമർനാഥിലേക്ക് ഔദ്യോഗിക കൃത്യനിർവ്വഹണത്തിനായി പോയ സൈനിക സംഘമാണ് അപകടത്തിൽ പെട്ടത്. ചന്ദന്വാരിയിൽ നിന്നും പഹൽഗാമിലേക്കുള്ള യാത്രാമദ്ധ്യേയാണ് ദുരന്തം സംഭവിച്ചത്. സംഭവത്തിൽ അന്വേഷണം നടത്തുമെന്ന് സൈനിക വൃത്തങ്ങൾ അറിയിച്ചു. നിരവധി പേർക്ക് പരിക്കേറ്റിട്ടുള്ളതായാണ് വിവരം.
#WATCH Bus carrying 37 ITBP personnel and two J&K Police personnel falls into riverbed in Pahalgam after its brakes reportedly failed, casualties feared#JammuAndKashmir pic.twitter.com/r66lQztfKu
— ANI (@ANI) August 16, 2022
