പ്രതികാരം തീർത്ത് ഇന്ത്യ: 5 വിക്കറ്റ് നഷ്ടത്തിൽ 148 റൺസ് നേടി ഇന്ത്യ വിജയക്കൊടി പാറിച്ചു: ഗംഭീരപ്രകടനമെന്ന് പ്രധാനമന്ത്രി

ന്യൂ ഡെൽഹി: ഏഷ്യാ കപ്പ് 2022 ലെ ആദ്യ മത്സരത്തിൽ പാകിസ്താനെ അഞ്ച് വിക്കറ്റിന് തോൽപിച്ച് ഇന്ത്യയുടെ കടുത്ത പ്രതികാരം .ദുബായ് ഇന്റർനാഷണൽ സ്റ്റേഡിയത്തിൽ നടന്ന ആവേശകരമായ മത്സരത്തിൽ പാക്കിസ്ഥാനെ 5 വിക്കറ്റിനാണ് ടീം ഇന്ത്യ പരാജയപ്പെടുത്തിയത്. ടോസ് നേടിയ ഇന്ത്യയ്ക്ക് വേണ്ടി ക്യാപ്റ്റൻ രോഹിത് ശർമ്മ ആദ്യം ബൗൾ ചെയ്യാൻ തീരുമാനിച്ചു. ആദ്യം ബാറ്റ് ചെയ്ത പാകിസ്ഥാൻ 19.5 ഓവറിൽ 147 റൺസിന് പുറത്തായി. മറുപടി ബാറ്റിങ്ങിനിറങ്ങിയ ടീം ഇന്ത്യ അഞ്ച് വിക്കറ്റ് നഷ്ടത്തിൽ 148 റൺസെടുത്ത് ലക്ഷ്യം കണ്ടു. ടീം ഇന്ത്യയുടെ വിജയത്തിൽ ഹാർദിക് പാണ്ഡ്യ നിർണായക പങ്കാണ് വഹിച്ചത്. ടി20 ലോകകപ്പിലെ തോൽവിക്ക് പത്ത് മാസത്തിന് ശേഷം പാക്കിസ്ഥാനെ തോൽപ്പിച്ച് ഇന്ത്യ പ്രതികാരം ചെയ്തുവെന്നാണ് ക്രിക്കറ്റ് ആരാധകർ വിലയിരുത്തുന്നത്. വിജയത്തിൽ പ്രധാനമന്ത്രി നരേന്ദ്ര മോദിയും ടീം ഇന്ത്യയെ അഭിനന്ദിച്ചു.

#TeamIndia put up a spectacular all-round performance in today’s #AsiaCup2022 match. The team has displayed superb skill and grit. Congratulations to them on the victory.

— Narendra Modi (@narendramodi) August 28, 2022

Stories you may like

‘AI ആരുടെയും തൊഴിൽ ഇല്ലാതാക്കില്ല, മറിച്ച് കൂടുതൽ പുതിയ അവസരങ്ങൾ സൃഷ്ടിക്കും’ ; യുവാക്കളുടെ നൈപുണ്യ വികസനം സർക്കാരിന്റെ പ്രധാന ലക്ഷ്യമെന്ന് മോദി

മുംബൈ ഭീകരാക്രമണത്തിൽ കൊല്ലപ്പെട്ടവർക്ക് ആദരാഞ്ജലികൾ അർപ്പിച്ച് ഫ്രഞ്ച് പ്രസിഡണ്ട്

ഇന്നത്തെ #AsiaCup2022 മത്സരത്തിൽ #TeamIndia ഗംഭീര പ്രകടനമാണ് പുറത്തെടുത്തത്. വിജയത്തിൽ അവർക്ക് അഭിനന്ദനങ്ങൾ, പ്രധാനമന്ത്രി ട്വിറ്ററിൽ കുറിച്ചു.

രോഹിത് ശർമ്മയും കെ എൽ രാഹുലും ഇന്ത്യൻ ടീമിൽ നിന്ന് ബാറ്റിംഗ് ഓപ്പൺ ചെയ്യാനെത്തി . ക്യാപ്റ്റൻ രോഹിത് ശർമ്മ മൂന്ന് ഓവറിൽ പന്തുകൾ നേരിട്ട 12 റൺസ് നേടി. മൂന്നാം നമ്പറിൽ ബാറ്റിംഗിനിറങ്ങിയ വിരാട് കോലി 34 പന്തിൽ 35 റൺസെടുത്തു. ഇതിനിടെ വിരാട് കോഹ്‌ലിയുടെ ബാറ്റിൽ മൂന്ന് ഫോറും ഒരു സിക്‌സും പിറന്നു. നാലാം നമ്പറിൽ രവീന്ദ്ര ജഡേജ ബാറ്റ് ചെയ്യാനെത്തി. രവീന്ദ്ര ജഡേജ 29 പന്തിൽ 35 റൺസിന്റെ വിലപ്പെട്ട ഇന്നിംഗ്‌സ് കളിച്ചു. അഞ്ചാം നമ്പറിൽ ബാറ്റിംഗിനിറങ്ങിയ സൂര്യകുമാർ യാദവ് 18 റൺസെടുത്തു. ഹാർദിക് പാണ്ഡ്യ 17 പന്തിൽ പുറത്താകാതെ 33 റൺസെടുത്ത് കളിയുടെ ഗതി മാറ്റി.

ബൌളിഗിലും ഇന്ത്യ മികച്ച പ്രകടനമാണ് കാഴ്ചവെച്ചത്., ഭുവനേശ്വർ കുമാറാണ് ഏറ്റവും കൂടുതൽ വിക്കറ്റുകൾ നേടിയത്. ഭുവനേശ്വർ 4 ഓവർ എറിഞ്ഞ് 26 റൺസ് വഴങ്ങി 4 വിക്കറ്റ് വീഴ്ത്തി. ഹാർദിക് പാണ്ഡ്യ 4 ഓവർ എറിഞ്ഞ് 25 റൺസ് വഴങ്ങി മൂന്ന് വിക്കറ്റ് വീഴ്ത്തി. 3.5 ഓവർ എറിഞ്ഞ അർഷ്ദീപ് സിംഗ് 33 റൺസ് വഴങ്ങി 2 വിക്കറ്റ് വീഴ്ത്തി. ആവേശ് ഖാൻ 2 ഓവർ എറിഞ്ഞ് 19 റൺസ് വഴങ്ങി ഒരു വിക്കറ്റ് വീഴ്ത്തി.