‘യേശുവാണ് യഥാർത്ഥ ദൈവം‘: ഹിന്ദുവിരുദ്ധ പുരോഹിതൻ പൊന്നയ്യയോടൊപ്പം രാഹുൽ; കോൺഗ്രസ് നയിക്കുന്നത് വീണ്ടും ഇന്ത്യയെ വിഭജിക്കാനുള്ള യാത്രയെന്ന് ബിജെപി (വീഡിയോ)

ന്യൂഡൽഹി: രാഹുൽ ഗാന്ധി നയിക്കുന്ന ഭാരത് ജോഡോ യാത്രയ്ക്കിടയിൽ കടുത്ത ഹിന്ദുവിരുദ്ധ പരാമർശവുമായി ക്രൈസ്തവ പുരോഹിതൻ ജോർജ്ജ് പൊന്നയ്യ. യാത്രയ്ക്കിടയിൽ രാഹുൽ ഗാന്ധിയോടൊപ്പം ഇരിക്കുന്ന പൊന്നയ്യ, ശക്തിയെപ്പോലെയല്ല, യേശുവാണ് യഥാർത്ഥ ഏകദൈവമെന്ന് പറയുന്നതിന്റെ ദൃശ്യങ്ങൾ പുറത്തു വന്നു.

സംഭവം വിവാദമായതോടെ രാഹുൽ ഗാന്ധിക്കും കോൺഗ്രസിനുമെതിരെ രൂക്ഷമായ വിമർശനവുമായി ബിജെപി രംഗത്ത് വന്നു. ശക്തിയെപ്പോലെയല്ല, യേശുവാണ് യഥാർത്ഥ ഏകദൈവമെന്നാണ് പൊന്നയ്യ രാഹുലിനോട് പറയുന്നത്. ഇതിന് മുൻപ് ഹിന്ദു വിരുദ്ധ പരാമർശത്തിന് അറസ്റ്റ് ചെയ്യപ്പെട്ട വ്യക്തിയാണ് ഇയാൾ. ഭാരത മാതാവിന്റെ അഴുക്ക് തന്റെ ദേഹത്ത് പുരളാതിരിക്കാൻ ഷൂ ധരിക്കുന്ന വ്യക്തിയാണ് താനെന്ന് ഇതിന് മുൻപ് ഇയാൾ പറഞ്ഞിട്ടുണ്ട്. വീഡിയോ ട്വീറ്റ് ചെയ്തു കൊണ്ട് ബിജെപി വക്താവ് ഷെഹ്സാദ് പൂനാവാല പറഞ്ഞു.

George Ponnaiah who met Rahul Gandhi says “Jesus is the only God unlike Shakti (& other Gods) “

This man was arrested for his Hindu hatred earlier – he also said
“I wear shoes because impurities of Bharat Mata should not contaminate us.”

Bharat Jodo with Bharat Todo icons? pic.twitter.com/QECJr9ibwb

— Shehzad Jai Hind (Modi Ka Parivar) (@Shehzad_Ind) September 10, 2022

ക്രിസ്ത്യൻ- മുസ്ലീം വോട്ടർമാർക്ക് താൻ നിർദ്ദേശം നൽകിയതു കൊണ്ടാണ് തമിഴ്നാട്ടിൽ ഡി എം കെ സർക്കാർ അധികാരത്തിൽ വന്നതെന്ന പൊന്നയ്യയുടെ പ്രസ്താവനയും വിവാദമായിരുന്നു. അതേസമയം, ബിജെപി പ്രചരിപ്പിക്കുന്ന വീഡിയോ വ്യാജമാണെന്ന് അവകാശപ്പെട്ട് കോൺഗ്രസ് രംഗത്ത് വന്നു. ഭാരത് ജോഡോ യാത്ര വിജയമാകുന്നതിൽ ബിജെപിക്ക് അസൂയയാണെന്നും കോൺഗ്രസ് ആരോപിച്ചു.