ദോഹ: ലോകകപ്പ് പ്വീക്വാര്ട്ടറില് കരുത്തരായ അര്ജന്റീനയോട് യുദ്ധത്തിനു തയാറെന്ന് ഓസ്ട്രേലിയന് കോച്ച് ഗ്രഹാം അര്നോള്ഡ്. ഇന്ന് രാത്രി 12.30 നാണ് ഓസ്ട്രേലിയ- അര്ജന്റീന മല്സരം.
അര്ജന്റീനയോട് ബഹുമാനക്കുറവില്ലെന്നു പറഞ്ഞ അര്നോള്ഡ്, ഇത് രണ്ട് ടീമിലെ 11 പേര് വീതമുള്ള കളിയാണെന്നും 10 നീല ഷര്ട്ടും 10 മഞ്ഞ ഷര്ട്ടുമുള്ളവരുടെ കളിയാണെന്നും പറയുകയുണ്ടായി. ഇതൊരു യുദ്ധമാണ്, ഞങ്ങള് പേടിയില്ലാതെ പൊരുതും. എന്റെ ഊര്ജ്വസ്വലരായ ആണ്കുട്ടികള് മികച്ച ശാരീരിക ക്ഷമതയിലും മാനസികാവസ്ഥയിലുമാണെന്ന് ഉറപ്പാക്കിക്കൊണ്ടുള്ള കളിയാകുമിത്, ഗ്രഹാം പറഞ്ഞു. ഓരോ കളിക്കാരനിലെയും ഏറ്റവും മികച്ച കളിയാകും ഇന്ന് രാത്രി മെസ്സിപ്പടയ്ക്കെതിരെ കാണാനാവുക. മെസിയുടെ സാന്നിധ്യവും ആ ടീമിന്റെ പാരമ്പര്യത്തെയും ഭയക്കാതെ തന്റെ കുട്ടികള് കളിക്കുമെന്നും അദ്ദേഹം കൂട്ടിച്ചേര്ത്തു.
ആദ്യ റൗണ്ട് മല്സരത്തില് അര്ജന്റീനയെ വന് അട്ടിമറിയിലൂടെ സൗദി കീഴടക്കിയെങ്കിലും തുടര്ന്നുള്ള കളികളില് പോളണ്ടിനെയും മെക്സിക്കോയെയും തോല്പ്പിച്ചാണ് അര്ജന്റീന പ്രീക്വാര്ട്ടറില് കടന്നത്. കരുത്തരായ ഫ്രാന്സിനോട് തോറ്റ ഓസ്ട്രേലിയ ടുണീഷ്യ, ഡെന്മാര്ക്ക് ടീമുകളെ മുട്ടുകുത്തിച്ചിരുന്നു.
Discussion about this post