ഖത്തർ ലോകകപ്പിൽ കിരീടം നേടിയ അർജന്റീനിയൻ ടീമിന് മോഹൻലാലിൻറെ അഭിനന്ദനം. ഫേസ്ബുക്കിലൂടെയാണ് മോഹൻലാൽ അഭിനന്ദനം പങ്കുവെച്ചത്. ഫൈനൽ മത്സരം ആവേശകരമാക്കിയ ഫ്രാൻസിനെയും മോഹൻലാൽ ഹൃദ്യമായ ഭാഷയിൽ അഭിനന്ദനമറിയിച്ചു.
അർജൻറിനയക്കും ഫൈനൽ മത്സരം ആവേശകരമാക്കി തീർത്ത ഫ്രാൻസിനും ആശംസകളറിയിച്ചുകൊണ്ടാണ് മോഹൻലാലിൻറെ ഫേസ്ബുക്ക് പോസ്റ്റ് തുടങ്ങുന്നത്. യോഗ്യരായ രണ്ട് എതിരാളികൾ തമ്മിൽ ഏറ്റമുട്ടിയ ഉജ്ജ്വലമായ ഒരു ഫൈനൽ .ഹൃദയം തുറന്ന് അവർ കളിച്ചു. ദശലക്ഷക്കണക്കിന് ഫുട്ബോൾ ആരാധകർക്ക് ആവേശകരമായ ഒരു മത്സരം സമ്മാനിച്ചു, മോഹൻലാൽ കുറിച്ചു.
മെസ്സിയുടെ അവസാന നൃത്തം ഗംഭീരം എന്നാണ് മോഹൻലാൽ കുറിച്ചത്.ഇത്രയും യോഗ്യരായ എതിരാളികളായതിനും അവസാനം വരെ അവർ നടത്തിയ മികച്ച പോരാട്ടത്തിനും കൈലിയൻ എംബാപ്പെയ്ക്കും ഫ്രഞ്ച് ടീമിനും മോഹൻലാൽ അഭിനന്ദനങ്ങൾ അറിയിച്ചു.ഇനി അടുത്ത ലോകകപ്പിനായി നമ്മൾ ഫുട്ബോൾ പ്രേമികൾക്കു കാത്തിരിക്കാമെന്ന് പറഞ്ഞാണ് പോസ്റ്റ് അവസാനിക്കുന്നത്.
ഫ്രാൻസിനെ പെനാൽറ്റി ഷൂട്ടൗട്ടിൽ 4-2 ന് തോൽപിച്ചാണ് അർജന്റീന വിജയികളായത്. എക്സ്ട്രാ ടൈമിൽ ഇരു ടീമുകളും മൂന്ന് ഗോളുകൾ നേടി തുല്യത പാലിച്ചതിനെ തുടർന്നാണ് മത്സരം ഷൂട്ടൗട്ടിലേക്ക് നീങ്ങിയത്.
https://www.facebook.com/ActorMohanlal/posts/pfbid03nbBU6LKiavMhzAb4Ms2hDDtcMzcf2zUFH7v1fSCWbZ6gkzuPeBuJogoH7CXrmo4l
Discussion about this post