തിരുവനന്തപുരം: ജനുവരി 7ന് തിരുവനന്തപുരം നഗരസഭാ പരിധിയില് ബിജെപി ഹര്ത്താലിന് ആഹ്വാനം ചെയ്തു. നഗരസഭ മേയറായ ആര്യാ രാജേന്ദ്രന്റെ കത്ത് വിവാദത്തില് പ്രതിഷേധം ശക്തമാക്കുന്നതിന്റെ ഭാഗമായാണ് ഹര്ത്താല്.
ജനുവരി 6ന് കോര്പ്പറേഷന് ഓഫീസ് വളയാനും പ്രതിഷേധം മറ്റ് ജില്ലകളിലേക്ക് വ്യാപിപ്പിക്കാനും നീക്കമുണ്ട്. കത്ത് വിവാദത്തില് ആരോപണ വിധേയരായവരെ സംരക്ഷിക്കുന്നുവെന്ന് ചൂണ്ടിക്കാട്ടിയാണ് ബിജെപി ഹര്ത്താലിന് ആഹ്വാനം ചെയ്തിരിക്കുന്നത്.
കോര്പ്പറേഷനില് ഒഴിവുള്ള താത്കാലിക തസ്തികകളിലേക്ക് പരിഗണിക്കുന്നതിനായി പാര്ട്ടിക്കാരുടെ ലിസ്റ്റ് ആവശ്യപ്പെട്ട് മേയര്, ജില്ലാ സെക്രട്ടറിയായ ആനാവൂര് നാഗപ്പന് എഴുതിയ കത്തിന്റെ പകര്പ്പ് സോഷ്യല് മീഡിയയില് പ്രചരിച്ചതോടെയാണ് വിവാദത്തിന് തുടക്കം. നിലവില് ക്രൈംബ്രാഞ്ച് അന്വേഷിക്കുന്ന കത്ത് വിവാദത്തില് മേയര് രാജി വെയ്ക്കേണ്ട ആവശ്യമില്ലെന്നാണ് സിപിഎം നിലപാട്. ഇതിനെതിരെ ബിജെപിയും കോണ്ഗ്രസും നാളേറെയായി പ്രതിഷേധ പരിപാടികള് നടത്തിവരികയാണ്.
Discussion about this post