ചെന്നൈ: തമിഴ്നാട്ടിൽ പൊങ്കൽ ആഘോഷത്തിന് തിരികൊളുത്താനായി എത്തുന്ന ചിത്രമാണ് വിജയ് നായകനാകുന്ന വാരിസ്. കഴിഞ്ഞ ദിവസമാണ് ചിത്രത്തിന്റെ ട്രെയ്ലർ ഇറങ്ങിയത്. ഇതിന് പിന്നാലെ താരത്തിന് മുന്നറിയിപ്പുമായി എത്തിയിരിക്കുകയാണ് രജനീകാന്ത് ആരാധകർ.
ട്രെയ്ലറിൽ വിജയ് പറയുന്ന ഒരു ഡയലോഗ് രജനികാന്ത് ചിത്രത്തിൽ നിന്ന് കോപ്പിയടിച്ചതാണെന്നാണ് രജനി ആരാധകർ പറയുന്നത്. എനിക്ക് അടിയും സ്നേഹവും നൽകരുത്, അത് ഇരട്ടിയായി തിരിച്ചു നൽകും എന്ന ഡയലോഗാണ് ഫാൻ ഫൈറ്റിന് വഴിയൊരുക്കിയിരിക്കുന്നത്. പഴയ ചിത്രത്തിൽ രജനി പറയുന്ന ഡയലോഗും വാരിസിൽ വിജയ് പറയുന്ന ഡയലോഗും ചേർത്തുവെച്ചുകൊണ്ടാണ് രജനി ആരാധകർ കോപ്പിയടി വാദം ഉയർത്തുന്നത്. രജനി അണ്ണന്റെ ഡയലോഗ് കോപ്പി അടിച്ച് മാസ് കാണിക്കണ്ട പണി പാളുമെന്നാണ് ആരാധകക്കൂട്ടത്തിന്റെ മുന്നറിയിപ്പ്.
എന്തായാലും ഏറെ കാത്തിരിപ്പിനൊടുവിൽ ഒരു വിജയ് ചിത്രമെത്തുന്ന സന്തോഷത്തിലാണ് ആരാധകർ. വംശി പൈഡിപ്പളിള സംവിധാനം ചെയ്യുന്ന ചിത്രത്തിൽ രശ്മിക മന്ദാനയാണ് നായിക. വിജയ് രാജേന്ദ്രൻ എന്ന കഥാപാത്രത്തെയാണ് വിജയ് സിനിമയിൽ അവതരിപ്പിക്കുന്നത്.
Discussion about this post