കോഴിക്കോട്: കരിപ്പൂരിൽ വീണ്ടും സ്വർണവേട്ട.മലപ്പുറം വണ്ടൂർ സ്വദേശി റഷീദാണ് പിടിയിലായത്. ഒരു കിലോയിലധികം വരുന്ന സ്വർണം ശരീരത്തിലൊളിപ്പിച്ച് കടത്താനാണ് റഷീദ് ശ്രമിച്ചത്. കസ്റ്റംസിനെ വെട്ടിച്ച് കടന്ന ഇയാളെ പോലീസ് വലയിലാക്കുകയായിരുന്നു.
ദോഹയിൽ നിന്ന് പുലർച്ചെയാണ് റഷീദ് കരിപ്പൂരിലിറങ്ങിയത്.കസ്റ്റംസിനെ അതിവിദഗ്ധമായി വെട്ടിച്ച ഇയാളെ രഹസ്യവിവരത്തിന്റെ അടിസ്ഥാനത്തിൽ പോലീസ് കസ്റ്റഡിയിലെടുക്കുകയായിരുന്നു.
തുടർന്ന് ചോദ്യം ചെയ്‌തെങ്കിലും ഇയാൾ കുറ്റം സമ്മതിച്ചില്ല. പിന്നാലെ നടത്തിയ പരിശോധനയിലാണ് സ്വർണം കണ്ടെത്തിയത്. എക്‌സറേ പരിശോധനയിൽ വയറിനകത്ത് ക്യാപ്‌സ്യൂൾ രൂപത്തിലാക്കിയാണ് 1.061 കിലോഗ്രാം സ്വർണം ഇയാൾ കടത്തിയതായി കണ്ടെത്തിയത്. ആഭ്യന്തര വിപണിയിൽ 59 ലക്ഷം രൂപയോളം വിലവരുന്നതാണ് പിടികൂടിയ സ്വർണം.
Discussion about this post