ലക്നൗ : വീട്ടിനുള്ളിൽ കുടുങ്ങി പുള്ളിപ്പുലി. ഉത്തർപ്രദേശിലെ അലിഗഢിലാണ് സംഭവം.ശനിയാഴ്ചയാണ് ഗ്രാമവാസിയായ കുട്ടിയെ പുലി ആക്രമിക്കാൻ ശ്രമിച്ചിരുന്നു . ഇതിനു പിന്നാലെ ഗ്രാമവാസികൾ പുലിയെ ഓടിച്ചതോടെയാണ് പുലി വീടിനുള്ളിൽ കയറിയത് .
ഭയം മൂലം വീട്ടിൽ താമസിക്കുന്ന കുടുംബം അടുക്കളയിൽ കയറി വാതിൽ അടച്ചു. വിവരമറിഞ്ഞ് ഗ്രാമവാസികൾ വീടിനു ചുറ്റും തടിച്ചുകൂടിയെങ്കിലും ഭയം കാരണം ആരും അകത്തേക്ക് പോകാൻ തയ്യാറായില്ല. വിവരമറിഞ്ഞ് പോലീസ് സ്ഥലത്തെത്തിയെങ്കിലും അവർക്കും ഒന്നും ചെയ്യാനായില്ല.
രണ്ടുമണിക്കൂറിനുശേഷം വനംവകുപ്പ് സംഘം എത്തി. സംഘം ജനൽ മുറിച്ച് കുടുംബാംഗങ്ങളെ സുരക്ഷിതമായി പുറത്തെത്തിച്ചു. അതിനിടയിൽ പുലി തൊട്ടടുത്തുള്ള ആളൊഴിഞ്ഞ വീട്ടിൽ കയറി. ഒടുവിൽ ഏറെ പണിപ്പെട്ട് നാട്ടുകാരുടെ സഹായത്തോടെയാണ് പുലിയെ വനം വകുപ്പ് പിടികൂടിയത്.
Discussion about this post