ലക്നൗ: റിപ്പബ്ലിക് ദിനത്തിൽ ദേശീയ പതാകയ്ക്ക് പകരം മദ്രസയിൽ മത പതാക ഉയർത്തിയ സംഭവത്തിൽ കേസ് എടുത്ത് പോലീസ്. പ്രദേശവാസികൾ നൽകിയ പരാതിയിലാണ് പോലീസ് നടപടി. ബറാബങ്കിലെ അഷ്റഫുൾ ഉലൂം ഇമ ഇമദാദിയ സക്കീൻ മദ്രസയിലാണ് ദേശീയ പതാകയ്ക്ക് പകരം മത പതാക ഉയർത്തിയത്.
പതാക ഉയർത്തിയ മദ്രസ അധികൃതർക്കെതിരെയും ഇതിൽ പങ്കുചേർന്നവർക്കുമെതിരെയാണ് കേസ് എടുത്തത്. സംഭവത്തിൽ വിശദമായി അന്വേഷണം നടത്തിയ ശേഷം അറസ്റ്റുൾപ്പെടെയുള്ള നടപടികളിലേക്ക് കടക്കുമെന്നാണ് സൂചന.
മദ്രസയിൽ മത പകാത ഉയർത്തുന്നതിന്റെ വീഡിയോയും ചിത്രങ്ങളും സമൂഹമാദ്ധ്യമങ്ങളിൽ വ്യാപകമായി പ്രചരിച്ചിരുന്നു. ഇതോടെയാണ് നാട്ടുകാരും ഹിന്ദു സംഘടനകളും പോലീസിൽ പരാതി നൽകിയത്. മുഖ്യമന്ത്രി യോഗി ആദിത്യനാഥിനും ഹിന്ദു സംഘടനാ പ്രവർത്തകർ പരാതി നൽകിയിരുന്നു. വശങ്ങളിൽ ചുവപ്പുവരയുള്ള പച്ച നിറത്തിലുള്ള പതാകയാണ് ഇവർ ഉയർത്തിയത്. ഇതിന്റെ ഒരു വശത്തായി മസ്ജിദിന്റെ മിനാരത്തിന്റെ ചിത്രവും കാണാം.
