ലണ്ടൻ: പാൽ അലർജിയെ തുടർന്ന് നവവധുവിന് ദാരുണാന്ത്യം. ഇംഗ്ലണ്ടിലെ സാലിസ്ബറി സ്വദേശിയായ ക്രെയ്ഗ് മക്കിന്നൻ എന്ന യുവതിയാണ് മരിച്ചത്. അവധി ആഘോഷത്തിനിടെ ക്രെയ്ഗ് തന്റെ ഭാവി വരനായ ജെസ് പ്രിൻസ്ലൂയുടെ അമ്മ വീട്ടിലേക്ക് പോയി.
അവിടെ വച്ച് കട്ടൻ ചായയിൽ മധുരം ഇളക്കി ചേർക്കാൻ അവർ പാൽ പുരണ്ട സ്പൂൺ എടുത്തു. പാൽ ഇളക്കിയ ശേഷം കഴുകാതെ വച്ചിരുന്നതിനാൽ ഇത് ശ്രദ്ധയിൽ പെട്ടില്ല. തുടർന്ന ഈ സ്പൂൺ ഉപയോഗിച്ച് കട്ടൻചായ ഇളക്കുകയും യുവതി അത് കുടിക്കുകയും ചെയ്തു. ചെറുപ്പം മുതലേ പാലും പാലുൽപ്പന്നങ്ങളും യുവതിയ്ക്ക് അലർജിയാണ്. ഗുരുതരമായ ആരോഗ്യപ്രശ്നങ്ങളാണ് പാൽ ഉപയോഗം യുവതിയ്ക്ക് വരുത്തിവയ്ക്കാറുള്ളത്.
കട്ടൻചായ കുടിച്ചതിന് ശേഷം അസ്വസ്ഥത തോന്നിയ യുവതിയെ ആശുപത്രിയിലെത്തിച്ചു. ദിവസങ്ങൾക്ക് ശേഷം യുവതി മരണത്തിന് കീഴടങ്ങുകയായിരുന്നു. യുവതിയുടെ മരണത്തിന് നാല് ദിവസമാണ് വിവാഹനിശ്ചയം കഴിഞ്ഞത്.
Discussion about this post