ഇന്നത്തെ തിരക്കേറിയ ജീവിതത്തിൽ, നിരവധിയായ ആരോഗ്യ പ്രശ്നങ്ങളാണ് ആളുകളെ അലട്ടുന്നത്. യഥാസമയം ശ്രദ്ധിച്ചില്ലെങ്കിൽ വലിയ രോഗങ്ങൾക്ക് കാരണമായേക്കാവുന്ന ചില ആരോഗ്യ പ്രശ്‌നങ്ങളുമുണ്ട് ഇക്കൂട്ടത്തിൽ .
കൈകളിലും കാലുകളിലും പെരുപ്പോ, വിറയലോ അനുഭവപ്പെടുന്നത് സാധാരണ കാര്യമാണ്. ഇത് ഒരു സമയത്തല്ലെങ്കിൽ മറ്റൊരു സമയത്ത് മിക്ക ആളുകളിലും സംഭവിച്ചിട്ടുമുണ്ടാകും. പലപ്പോഴും നമ്മൾ ഇരുന്നു ഉറങ്ങുന്നത് തെറ്റായ രീതിയിലാണെങ്കിൽ പിന്നീട് ഇത്തരം പ്രശ്‌നങ്ങളിലൂടെ കടന്നുപോകേണ്ടിവരും. എന്നാൽ കുറച്ച് നിമിഷങ്ങൾ കഴിയുമ്പോൾ തന്നെ അത് ശരിയാകും. എന്നാൽ ഇത് വീണ്ടും വീണ്ടും സംഭവിക്കുകയാണെങ്കിൽ അല്പമൊന്നു ശ്രദ്ധിക്കേണ്ടതുണ്ട് എന്നാണ് ആരോഗ്യവിദഗ്ധർ പറയുന്നത്.
കൈകളിലും കാലുകളിലും തുടർച്ചായി വിറയലോ, പെരുപ്പോ അനുഭവപ്പെടുന്നുണ്ടെങ്കിൽ അത് അവഗണിക്കരുത്, ഒരു ഡോക്ടറെ സമീപിക്കുക. തെറ്റായ രീതിയിൽ ഇരിക്കുന്നതും ഉറങ്ങുന്നതും കാരണം, സിരകളിലെ രക്ത ഓട്ടം ശരിയാകുന്നില്ല . അതുമൂലം ആണ് ഇത്തരം പ്രശ്നങ്ങളുണ്ടാകുന്നത്.
വിറയലിന് കാരണം ശരീരത്തിലെ രക്തത്തിൽ ഹീമോഗ്ലോബിന്റെ അഭാവമാണെന്ന് പല ആരോഗ്യ വിദഗ്ധരും ചൂണ്ടിക്കാണിക്കുന്നു. ശരീരത്തിൽ വിറ്റാമിൻ ഇ, വിറ്റാമിൻ ബി1, ബി6, ബി12 എന്നിവയുടെ കുറവുകൾ ഉണ്ടായേക്കാം. വിറ്റാമിനുകൾ കൂടുതലുള്ള ഭക്ഷണങ്ങൾ ധാരാളമായി കഴിക്കണം എന്നതാണ് ഇതിനുള്ള പരിഹാരം. തക്കാളി, ബീറ്റ്റൂട്ട്, മാംസം, ബദാം എന്നിവ ആവശ്യത്തിന് കഴിച്ചാൽ ഈ പ്രശ്നങ്ങൾക്ക് ഒരു പരിധിവരെ പരിഹാരം കാണാവുന്നതാണ്.
ലോകത്ത് പ്രമേഹ രോഗികളുടെ എണ്ണത്തിൽ ചൈനയ്ക്ക് പിന്നിൽ രണ്ടാം സ്ഥാനത്താണ് ഇന്ത്യ . ഇന്ത്യയിൽ ഏകദേശം 7.5 കോടി രോഗികളുണ്ടെന്നാണ് റിപ്പോർട്ട്. ശരീരത്തിൽ വിറയൽ വരുന്ന 30 ശതമാനം പേർക്കും കാരണം പ്രമേഹമാണ്. പ്രമേഹം കാരണം, ശരീരത്തിന്റെ പല ഭാഗങ്ങളുടെയും പ്രവർത്തനം മന്ദഗതിയിലാവുന്നു. കൂടാതെ രക്തപ്രവാഹവും കുറയുന്നു, ഇതുമൂലം ശരീരത്തിൽ വിറയൽ സംഭവിക്കുന്നു.
അമിതമായി മദ്യം കഴിക്കുന്നത് ആരോഗ്യത്തിന് ഹാനികരമാണ്. അമിതമായ മദ്യപാനം കാരണം, ശരീരത്തിൽ വിറ്റാമിനുകളുടെ കുറവ് ഉണ്ടാകുന്നു, ഇത് മൂലവും വിറയൽ ഉണ്ടാവാം.
Discussion about this post