തീ തുപ്പുന്ന ധ്രുവക്കരടിയുടെ ചിത്രമാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധ നേടുന്നത്. മഞ്ഞ് മൂടിയ പ്രദേശത്ത് നിന്ന് അന്തരീക്ഷത്തിലേക്ക് തീ തുപ്പുന്നതെന്ന് തോന്നിക്കുന്ന ധ്രുവക്കരടിയുടെ ചിത്രമാണിത്. ഈ ചിത്രം വൈറലായതോടെ ധ്രുവക്കരടി എങ്ങനെ തീ തുപ്പുമെന്ന് അത്ഭുതപ്പെട്ടുകൊണ്ട് നിരവധി പേർ രംഗത്തെത്തി. എന്നാൽ ഈ പ്രതിഭാസം എന്താണെന്ന് ചിത്ര ട്വിറ്ററിൽ പങ്കുവെച്ചയാൾ തന്നെ വ്യക്തമാക്കുകയാണ്.
2015 ൽ പകർത്തിയ ചിത്രം മാസിമോ എന്ന ട്വിറ്റർ ഉപയോക്താവാണ് പങ്കുവെച്ചത്. ഫോട്ടോഗ്രാഫർ ജോഷ് അനോൺ പകർത്തിയ ചിത്രത്തിമാണെന്നും ക്യാപ്ഷനിൽ പറയുന്നുണ്ട്. തീ തുപ്പുന്ന ധ്രുവക്കരടിയുടെ ചിത്രം പങ്കുവെച്ച അദ്ദേഹം, ഉദയസൂര്യൻ, ധ്രുവക്കരടിയുടെ ശ്വാസത്തെ തീ പോലെ ആക്കിമാറ്റിയെന്നും കുറിച്ചു.
കനത്ത മഞ്ഞുള്ള സമയത്ത് ധ്രുവക്കരടിയുടെ ഉച്ഛ്വാസ വായുവിലൂടെ സൂര്യൻറെ നേരിയ വെളിച്ചം കടന്ന് പോകുമ്പോഴാണ് ഇത് സൃഷ്ടിക്കപ്പെട്ടത് എന്നാണ് കണ്ടെത്തൽ.
Photographer Josh Anon captured the perfect moment in which the rising sun made this polar bear's backlit breath look like fire
[source: https://t.co/s57bDQDG6Z]
[author's site: https://t.co/mVwkmY27X9] pic.twitter.com/DVaBDSelJo— Massimo (@Rainmaker1973) February 7, 2023
2015 -ൽ ഒരു ഏകദിന ആർട്ടിക് പര്യവേഷണത്തിനെത്തിയപ്പോഴാണ് അനോൺ ഈ ചിത്രം പകർത്തിയത്. എന്തായാലും ചിത്രം വീണ്ടും വൈറലായതോടെ കമന്റുകളുമായി നിരവധി പേരാണ് എത്തിയിരിക്കുന്നത്. ഈ അതിഗംഭീര നിമിഷം ക്യാമറയിൽ പകർത്തിയ ഫോട്ടോഗ്രാഫർക്ക് അനേകം പേർ നന്ദി അറിയിക്കുന്നുണ്ട്.
Discussion about this post