കോഴിക്കോട്: അപകടകരമായ രീതിയിൽ സ്കൂട്ടർ ഒടിച്ച വിദ്യാർത്ഥിനിക്കെതിരെ കേസെടുത്ത് മോട്ടോർ വാഹന വകുപ്പ്. വിദ്യാർത്ഥിനികൾ സഞ്ചരിച്ച സ്കൂട്ടർ മുക്കം പോലീസ് പിടിച്ചെടുത്തു. മോട്ടോർ വാഹന വകുപ്പിന് പിന്നാലെ മുക്കം പൊലീസും സംഭവത്തിൽ കേസ് രജിസ്റ്റ്ർ ചെയ്തിട്ടുണ്ട്. സ്കൂട്ടർ ഓടിച്ചത് ഉൾപ്പടെ മൂന്ന് വിദ്യാർത്ഥിനകളും ലൈസൻസ് ഇല്ലാത്തവരും പ്രായപൂർത്തിയാകാത്തവരാണ്.
മുക്കം മണാശേരിയിൽ നിയമം ലംഘിച്ച് വിദ്യാർത്ഥിനികൾ സ്കൂട്ടർ യാത്ര നടത്തുന്നതും ബസ് അപകടത്തിൽ നിന്നും രക്ഷപ്പെടുന്നതിന്റേയും ദൃശ്യങ്ങൾ നേരത്തെ പുറത്ത് വന്നിരുന്നു. ഇത് സമൂഹ്യ മാദ്ധ്യമങ്ങളിൽ വൈറലായതിന് പിന്നാലെയാണ് മോട്ടോർ വാഹന വകുപ്പിന്റെ നടപടി.
കഴിഞ്ഞ വെള്ളിയാഴ്ച ഉച്ചയോടെയായിരുന്നു മണാശ്ശേരി നാൽക്കവലയിൽ മൂന്ന് പെൺകുട്ടികൾ സ്കൂട്ടറിൽ അപകടകരമായ രീതിയിൽ യാത്ര നടത്തിയത്. വലത് വശത്തെ റോഡിൽ നിന്നും കയറി വന്ന വിദ്യാർത്ഥികൾ സഞ്ചരിച്ച സ്കൂട്ടർ ബസിടിക്കാതെ അപകടത്തിൽ നിന്ന് രക്ഷപ്പെട്ടത് തലനാരിഴയ്ക്കായിരുന്നു. വിദ്യാർത്ഥിനികളുടെ ഇരുചക്രവാഹനം അശ്രദ്ധമായി റോഡ് മുറിച്ച് കടക്കുന്നത് പുറത്ത് വന്ന സിസിടിവി ദൃശ്യങ്ങളിൽ വ്യക്തമാണ്. വേഗത്തിലെത്തിയ സ്വകാര്യ ബസ്സിന് കൃത്യസമയത്ത് ബ്രേക്കിട്ട് നിർത്താൻ സാധിച്ചതിനാലാണ് വൻ അപകടം ഒഴിവായത്. ബാലൻസ് തെറ്റിയെങ്കിലും സ്കൂട്ടറുമായി ഇതൊന്നും ശ്രദ്ധിക്കാത്ത വിദ്യാർത്ഥികൾ കടന്ന് പോവുകയായിരുന്നു
Discussion about this post