തൃശൂർ : സമൂഹമാദ്ധ്യമങ്ങളിലൂടെ ശ്രദ്ധ നേടിയ തൃശൂർ കണ്ണിക്കര സ്വദേശി പ്രണവ്(31) അന്തരിച്ചു. ഇന്ന് രാവിലെ രക്തം ഛർദ്ദിച്ചതിനെ തുടർന്ന് അവശനിലയിലായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
വർഷങ്ങൾക്ക് മുൻപ് വാഹനാപകടത്തിൽ പരിക്കേറ്റ് നെഞ്ചിന് താഴേക്ക് തളർന്നുപോയ പ്രണവ്, ഈ അവസ്ഥയിലൂടെ കടന്നുപോകുന്ന ഒട്ടേറെ പേർക്ക് പ്രചോദനമായിരുന്നു. എട്ട് വർഷങ്ങൾക്ക് മുൻപാണ് പ്രണവിന്റെ ജീവിതം തന്നെ മാറ്റം മറിച്ച അപകടം നടന്നത്. കുതിരത്തടം പൂന്തോപ്പിൽ വച്ച് നിയന്ത്രണം വിട്ട് ബൈക്ക് ഒരു മതിലിൽ ഇടിക്കുകയായിരുന്നു. നട്ടെല്ലിന് ഗുരുതരമായി പരിക്കേറ്റതിനെ തുടർന്ന് പ്രണവിന്റെ ശരീരം പൂർണ്ണമായും തളർന്നിരുന്നു.
എന്നാൽ ഇതിലൊന്നും തളർന്നുപോകില്ല എന്ന മനസുമായി പ്രണവ് മുന്നോട്ട് പോയി. റോഡ് സുരക്ഷയുമായി ബന്ധപ്പെട്ട ബോധവത്കരണ പരിപാടികൽ ശ്രദ്ധേയനായിരുന്നു പ്രണവ്
2020 മാർച്ചിലാണ് പ്രണവിന്റെ ജീവിതത്തിലേക്ക് ഷഹാന കടന്നുവന്നത്. തിരുവനന്തപുരം സ്വദേശിയാണ് ഷഹാന. സമൂഹമാദ്ധ്യമത്തിലൂടെയുളള പരിചയമാണ് വിവാഹത്തിലെത്തിച്ചത്. നിരവധി പേർ എതിർത്തെങ്കിലും അതെല്ലാം മറികടന്നാണ് ഷഹാന പ്രണവിന്റെ ജീവിതത്തിലേക്കെത്തിയത്.
Discussion about this post