ബംഗളൂരു: തെന്നിന്ത്യയിൽ ഏറെ ആരാധകരുള്ള യുവതാരമാണ് വിജയ് ദേവരകൊണ്ട. ആരാധകവൃന്ദത്തോട് സൗമ്യനായി ഇടപെടുന്ന അദ്ദേഹം ആരാധകർക്കായി കിടിലൻ സർപ്രൈസുകളും സമ്മാനങ്ങളും ഒരുക്കാറുണ്ട്. ഇപ്പോഴിതാ തന്റെ നൂറ് ആരാധകരുടെ സ്വപ്ന യാത്ര സഫലമാക്കി കൊടുത്തിരിക്കുകയാണ് താരം. നൂറ് ആരാധകരുടെ മണാലി യാത്ര സ്പോൺസർ ചെയ്താണ് അദ്ദേഹം വാർത്തകളിൽ വീണ്ടും നിറയുന്നത്.
വിമാനത്തിൽ യാത്ര ചെയ്യുന്ന ആരാധകരുടെ വീഡിയോ തനിക്ക് അയച്ചുകിട്ടിയത് വിജയ് ദേവെരകൊണ്ട തന്നെ സാമൂഹ്യ മാദ്ധ്യമത്തിൽ പങ്കുവെച്ചിട്ടുണ്ട്. മുമ്പ് തെരഞ്ഞെടുത്ത 50 ആരാധകർക്ക് താരം പ്രത്യേക ഉപഹാരം സമ്മാനിച്ചിരുന്നു. 100 ആരാധകർക്ക് 10000 രൂപ താരം ക്രിസ്മസ് സമ്മാനമായും ഒരിക്കൽ നൽകിയിട്ടുണ്ട്.
പുരി ജഗനാഥ് സംവിധാനം ചെയ്ത ലൈഗറാണ് വിജയ് ദേവരകൊണ്ടയുടേതായി തിയേറ്ററുകളിൽ അവസാനമെത്തിയ ചിത്രം.ബോക്സിംഗ് ഇതിഹാസം മൈക്ക് ടൈസണും ചിത്രത്തിൽ അഭിനയിച്ചിരുന്നു. ഖുഷിയാണ് താരത്തിന്റേതായി ഇനി തിയേറ്ററുകളിലെത്താൻ ഒരുങ്ങുന്ന ചിത്രം.
Discussion about this post