മസ്ക്കറ്റ്: ഒമാനിൽ ശക്തമായ ഭൂചലനം. റിക്ടർ സ്കെയിലിൽ 4.1 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. സംഭവത്തിൽ ആളപായമോ നാശനഷ്ടമോ ഉണ്ടായിട്ടില്ല.
രാവിലെയോടെയായിരുന്നു സംഭവം. ദുകം പ്രദേശത്താണ് ഭൂചലനം അനുഭവപ്പെട്ടത്. സുൽത്താൻ ഖാബൂസ് യൂണിവേഴ്സിറ്റിയിലെ സീസ്മോളജിക്കൽ സെന്റർ ഭൂചലനം ഉണ്ടായതായി സ്ഥിരീകരിച്ചിട്ടുണ്ട്. പ്രകമ്പനം സെക്കന്റുകൾ നീണ്ടു.
പ്രകമ്പനം അനുഭവപ്പെട്ടതോടെ ജനങ്ങൾ പരിഭ്രാന്തരായി. നിരവധി പേർ പേടിച്ച് ഓപറേഷൻസ് സെന്ററിലേക്ക് വിളിച്ചതായി ഒമാൻ പോലീസ് വ്യക്തമാക്കി. അതേസമയം ഭൂചലനത്തിൽ ചില കെട്ടിടങ്ങളിൽ വിള്ളലുകൾ ഉണ്ടായിട്ടുണ്ടെന്നാണ് മാദ്ധ്യമങ്ങൾ റിപ്പോർട്ട് ചെയ്യുന്നത്.
