പനാജി: ഗോവയിൽ ലഹരി പാർട്ടിക്കിടെ മിന്നൽ പരിശോധനയുമായി പോലീസ്. മൂന്ന് മലയാളികൾ അടക്കം ഏഴു പേരെ പോലീസ് കസ്റ്റഡിയിലെടുത്തു. മലയാളികളായ ദിൽഷാദ് (27), അജിൻ ജോയ് (20), നിധിൻ എൻഎസ് (32) എന്നിവരാണ് പോലീസ് കസ്റ്റഡിയിലുള്ള മലയാളികൾ. സംഭവ സ്ഥലത്ത് വച്ച് തന്നെ മെഷീൻ ഉപയോഗിച്ച് നടത്തിയ പരിശോധനയിൽ മൂന്ന് പേരും ലഹരി ഉപയോഗിച്ചതായി തെളിഞ്ഞു. ഇതോടെയാണ് ഇവരെ കസ്റ്റഡിയിലെടുത്തത്.
കസ്റ്റഡിയിലുള്ള എല്ലാവരുടേയും രക്തസാമ്പുകൾ ശേഖരിച്ച് പോലീസ് പരിശോധനയ്ക്ക് അയച്ചിട്ടുണ്ട്. ഈ പരിശോധനാ ഫലം വന്നശേഷമാകും അറസ്റ്റ് രേഖപ്പെടുത്തുക. ഗുജറാത്ത്, കർണാടക സംസ്ഥാനങ്ങളിൽ നിന്നുളളവരാണ് പിടിയിലായ മറ്റ് നാല് പേർ.
Discussion about this post