ന്യൂഡൽഹി : സ്വാതന്ത്ര്യസമര നായകൻ വിഡി സവർക്കറെ പരമോന്നത ബഹുമതിയായ ഭാരത് രത്ന പുരസ്കാരം നൽകി ആദരിക്കണമെന്ന് ശിവസേന നേതാവ് സഞ്ജയ് റാവത്ത്. വീര സവർക്കർ മഹാരാഷ്ട്രയുടെ ധീര പുത്രനായിരുന്നുവെന്ന് പറഞ്ഞ സഞ്ജയ് റാവത്ത്, അദ്ദേഹത്തിന് ഭാരത് രത്ന നൽകണമെന്നും കേന്ദ്രത്തോട് അപേക്ഷിച്ചു.
വീര സവർക്കർ മഹാരാഷ്ട്രയുടെ ഇതിഹാസമായിരുന്നു. മഹാരാഷ്ട്രയുടെ ധീരനായ പുത്രനാണ് അദ്ദേഹം. സവർക്കറെ ഭാരത് രത്ന നൽകി ആദരിക്കാൻ കേന്ദ്രസർക്കാർ തയ്യാറാകണമെന്നാണ് സഞ്ജയ് റാവത്ത് പറഞ്ഞത്. സവർക്കറുടെ സ്മൃതി ദിനത്തോട് അനുബന്ധിച്ചാണ് സഞ്ജയ് റാവത്ത് ഇക്കാര്യം ആവശ്യപ്പെട്ടത്.
മുസ്ലീങ്ങൾ ഹിന്ദുക്കളിൽ നിന്ന് അകന്ന് പോയാൽ അത് അവർക്ക് ദോഷം ചെയ്യുമെന്നും റാവത്ത് പറഞ്ഞു. ”മുസ്ലീങ്ങൾ രാജ്യത്ത് ന്യൂനപക്ഷമാണ്. അവർ ഹിന്ദുക്കളിൽ നിന്ന് ഒരിക്കലും വേർപിരിയരുത്. അങ്ങനെയുണ്ടായാൽ വളരെയേറെ ബുദ്ധിമുട്ടേണ്ടിവരും” റാവത്ത് കൂട്ടിച്ചേർത്തു.
Discussion about this post